دانوستانی حەماس و ئیسرائیل لە دەوحە دەستپێدەکاتەوە

ئاڤا نیوز


هەوڵەکان بۆ ڕێكکەوتنی لەسەر ئاگربەستی غەززە چڕتڕبوونەتەوە، ئەمڕۆ سێشەممە جارێکی دیکە هەر یەکە لە ئیسرائیل و بزووتنەوەی حەماس لە دەوحەی پایتەختی قەتەر کۆبوونەوە.

زانیاریی بەدەستهاتوو: بەگوێرەی سەرچاوەیەکی فەلەستینیی ئاگادار لە دانوستانەکان ڕایگەیاند، دانوستانی ناڕاستەوخۆی نێوان شاندی حەماس و ئیسرائیل ڕۆژی سێشەممە لە دەوحە سەبارەت بە ئاگربەست لە کەرتی غەززە دەستیپێکردەوە.

زانیاریی زیاتر: هەمان سەرچاوە دەشڵێت، تا ئێستا هیچ پێشکەوتنێک نەبووە، ئاماژەی بەوەشکرد، دانووستانەکان سەرنجیان لەسەر تاوتوێکردنی میکانیزمەکانی کشانەوەی سەربازی ئیسرائیل لە کەرتی غەززە و چوونە ژوورەوەی هاوکارییەکان و ئاگربەستە

ئەمەش بزانە: هەموو ئەمانەش لەکاتێکدایە، ترەمپ دەیەوێت شەڕی غەززە ڕابگرێت، لەسەر ئەم پرسە ڕۆژنامەی ئیسرائیل هایۆم لە زاری چەند سەرچاوەیەکی ئاگادار لە کۆشکی سپی بڵاویکردەوە، ترەمپ، بەڵێنی ڕێککەوتنی نێوان ئیسرائیل و سوریای  لەبەرامبەر ڕەزامەندی ئیسرائیل لەسەر کۆتاییهێنان بە شەڕی غەززە داوە.