بۆردوومانەکانی ئیسرائیل بۆ سەر کەرتی غەززە بەردەوامن

ئاڤا نیوز

سەڕەڕای چڕبوونەوەی هەوڵەکان بۆ ڕاگەیاندنی ئاگربەستی غەززە و بەردەوامبوونی دانوستانەکان، بەڵام بۆردوومانەکانی ئیسرائیل بۆ سەر کەرتەکە بەردەوامە.

وێنە گەورەکە: ماوەی 21 مانگە شەڕ بەرۆکی کەرتی غەززەی گرتووە، جیا لە کوژراو و برینداربوونی دەیان کەس ڕۆژانە، هێشتا زۆرێک لە قوربانییەکان لە ژێر داروپەردوو و گیریان خواردووە، دۆخی مرۆیی کەرتەکە ڕۆژ بەڕۆژ خراپتر دەبێت خۆراک و هاوکاریی مرۆیی زۆر کەمە و قەیرانی و  برسێتی ڕووبەڕووی دانیشتووانی کەرتەکە بووەتەوە.

زانیاریی بەدەستهاتوو: دەزگای بەرگریی شارستانیی غەززە، ئەمڕۆ  پێنجشەممە ڕایگەیاند بەهۆی هێرش و بۆردوومانەکانی ئیسرائیل، 23 کەس کوژراون کە هەشتیان منداڵن.

زانیاریی زیاتر: دواجار بەهەوڵەکانی سەرۆکی ئەمریکا توانرا هەردوو لایەنی ئیسرائیلی و بزووتنەوەەی حەماس بێنە سەر مێزی گفتوگۆ و دانوستانی ناڕاستەوخۆ ئەنجام بدەن، لەسەر ئەم پرسەش  بنیامین نەتانیاهۆ، سەرۆکوەزیرانی ئیسرائیل ئەم هەفتەیە لە واشنتن بوو دیداری گرنگی لەسەر ئەم پرسە لەگەڵ سەرۆکی ئەمریکا ئەنجامدا، بەڵام تاوەکو ئێستا ئیسرائیل لە هێرشکردن بەردەوامە و هیچ دەرئەنجامێکی کۆتایی ڕانەگەیێنراوە.