ڤاکسینی شێرپەنجەی سییەکان بەرهەمدەهێنرێت

ئاڤا نیوز

 

بەرهەمهێنانی ڤاکسینی سییەکان پڕۆژەیەکی دوو ساڵەیە؛ نزیکەی 2.1 ملیۆن دۆلار بۆ توێژینەوەی تاقیگەیی و بەرهەمهێنانی ڤاکسین تەرخانکراوە؛ ئێستا ڤاکسینەکە لەژێر تاقیکردنەوەدایە.

 

وێنە گەورەکە: شێرپەنجەی سییەکان قەیرانێکی گەورەی تەندروستیی گشتییە، تەنیا لە بەریتانیا ساڵانە نزیکەی 48 هەزار تووشبووی نوێ تۆمار دەکرێن و 72%ـیشی دەگەڕێتەوە بۆ جگەرەکێشان؛ بۆیە حکومەتی بەریتانیا و ڕێکخراوە تەندروستییەکان جەخت لەسەر پەرەپێدانی ڕێوشوێنی خۆپارێزی دەکەنەوە.

 

ڕاگەیێنراوی فەرمی: دامەزراوەی توێژینەوەی شێرپەنجە لە بەریتانیا بە هەماهەنگی لەگەڵ دامەزراوەی شێرپەنجەی CRIS "نزیکەی 2.1 ملیۆن دۆلار" بۆ پڕۆژەی  LungVaxـیان دابینکرد، بەمەبەستی پەرەپێدان بە کارەکانیان لە دۆزینەوەی چارەسەرێکی بنبڕ بۆ شێرپەنجەی سییەکان.

 

ئەوەی پێویستە بیزانیت: پڕۆژەی LungVax دوو ساڵە بەردەوامە لە کلینیکی بەرهەمهێنانی بایۆلۆجی ئۆکسفۆرد کارەکانیان دەکەن، بەگوێرەی توێژینەوەی شێرپەنجە لە بەریتانیا تاوەکو ئێستا سێ هەزار ژەم وەک نموونەی سەرەتایی و چارەسەرێک بۆ شێرپەنجەی سییەکان بەرهەمهێنراون.