کار بۆ بە گەشتیاریکردنی بەنداوی باوە شاسوار دەکرێت

ئاڤا نیوز

کار بۆ پێشخستنی ژێرخانی گەشتیاریی سنووری قەزای کفری دەکرێت، بەڕێوەبەری گەشتوگوزاری کفری دەڵێت "دەرچەی بەنداوەکە خاوێن دەکەینەوە و کۆنکرێتی دەکەین تا پڕۆژەی تێدا دروست بکرێت ".

لێدوانی فەرمی: ڕەحیم کەریم، بەڕێوەبەری گەشتوگوزاری کفری بە ئاڤا میدیای ڕاگەیاند: دەرچەی بەنداوی باوەشاسوار کە ڕووبەرێکی فراوانی هەیە بڕێکی زۆر قامیش و زەلی تێدایە، ئێمە ئەو ژینگەیە بە چەند قۆناغێک خاوێن دەکەینەوە و هەڵیدەکەنین دواتر کۆنکرێتی دەکەین، هەروەها دەرفەت بۆ کەرتی تایبەت دەڕەخسێنین بۆ ئەوەی بێن و پڕۆژەی تێدا دروست بکەن.

- لەسەر داهاتی بەڕێوەبەرایەتیی گشتیی گەشتوگوزاری گەرمیان بڕی 389 ملیۆن دینار بۆ کارەکان تەرخان کراوە.

- چەندین وەبەرهێن داواکاری بۆ جێبەجێکردنی پڕۆژە لە خوارووی بەنداوی باوەشاسواریان پێشکەش کردووە.

- بە جێبەجێکردنی ئەم هەنگاوە و دروستکردنی پڕۆژەی گەشتیاری، گۆڕانکاری بەسەر ڕێژەی گەشتیار بۆ دەڤەرەکە دروست دەبێت.

ئەوەی پێویستە بیزانیت: بەنداوی باوەشاسوار دەکەوێتە باکووری قەزای کفری و لە ساڵی 2011 دروست کراوە.