پووتین درێژە بە شەڕی ئۆکراینا دەدات

ئاڤا نیوز

ڤلادیمیر پووتین، سەرۆکی ڕووسیا، هیچ بایەخێک بە هەڕەشەکانی دۆناڵد ترەمپ، سەرۆکی ئەمریکا، نادات و درێژە بە شەڕی ئۆکراینا دەدات.

زانیاریی بەدەستهاتوو: ئاژانسی هەواڵی ڕۆیتەرز بە پشتبەستن بە سێ سەرچاوەی نزیک لە کۆشکی سەرۆکایەتیی ڕووسیا، کرێملین، بڵاوی کردووەتەوە هەڕشەکانی ترەمپ بۆ تووندترکردنی سزاکانی سەر ڕووسیا بۆچوونی پووتین ناگۆڕێت.

زانیاریی زیاتر: پووتین دەیەوێت لە شەڕی دژی ئۆکراینا بەردەوام بێت تا لەم ڕێگەیەوە ڕۆژئاوا ناچار بکات گوێ لە مەرجەکانی ڕووسیا بۆ ئاشتی بگرن.

پێشڕەویی زیاتری ڕووسیا لە سەر خاکی ئۆکراینا وا دەکات داواکارییەکانی ڕووسیا بۆ وەرگرتنی زەوی لە ئۆکراینا زیاتر ببن.

باکگراوند: لە شووباتی 2022ـەوە شەڕی ڕووسیا و ئۆکراینا دەستیپێکردووە و سەرەڕای هەوڵەکانی ئاگربەست، بەڵام شەڕەکە بەردەوامە.