بریکاری وەزارەتی دارایی عێراق: بۆ کێشەی مووچە دەستوور چارەسەرە

ئاڤا نیوز

 

بریکاری وەزارەتی دارایی عێراق ڕایدەگەیێنێت، پابەندبوون بە بنەماکانی دەستوور تاکە چارەسەرە  بۆ کێشەی مووچە لە نێوان هەولێر و بەغدا. جەختیش دەکاتەوە دەستوور دەسەڵاتی تەواوی بە حکومەتی هەرێمی کوردستان داوە خۆی کاروبارە داراییەکانی جێبەجێ بکات.

ڕاگەیێنراوی فەرمی: مەسعود حەیدەر، بریکاری وەزارەتی دارایی عێڕاق دەڵێت: دەستووری عێراق دەسەڵاتی تەواوی بە حکومەتی ھەرێمی کوردستان داوە لەڕێگەی وەزارەتی داراییەوە کاروباری دارایی جێبەجێ بکات، ھەر بڕیارێک پێچەوانەی ئەمە بێت دژ بە بنەماکانی دەستوورە. 

 

لەلایەکی دیکەوە: بریکاری وەزارەتی دارایی ڕوونی کردووەتەوە: "هەژماری بانكى فەرمانبەر لە ھەر بانکێکی مۆڵەتپێدراو لە بانکی ناوەندیی هەژمارێکی یاساییە و پێویستە ئەو بانکانە تەنیا لەگەڵ وەزارەتی دارایی ھەرێمی کوردستان ھەماھەنگیان ھەبێت، نابێت ڕێگە بە ھیچ لایەنێکی ناوخۆیی یان دەرەکی بدرێت مووچەی خەڵکی ھەرێمی کوردستان بە سیاسی بکات".

زانیاریی زیاتر: مەسعود حەیدەر بەپێویستی دەزانێت وەزارەتی دارایی ھەرێمی کوردستان مووچەی فەرمانبەران بخاتە سەر هەژماری بانکی، ئەوانەش کە ھێشتا هەژماریان نییە بە کاش مووچەیان بدرێت.