ناتۆ: دەبێت بەخێرایی سیستەمی بەرگری پاتریۆت لە ئۆکراینا چالاک بکرێت

ئاڤا نیوز

فەرماندەی باڵای سەبازی ناتۆ بەردەوامی ئامادەکارییەکان بۆ گواستنەوەی سیستمی بەرگری ئاسمانی پاتریۆت بۆ ئۆکراینا ڕادەگەیەنێت.

چیرۆکی سەرەکی: دوای ئەوەی دۆناڵد ترەمپ، سەرۆکی ئەمریکا بڕیاریدا بە ناردنی پێداویستیەکانی سیستەمی بەرگری ئاسمانی پاتریۆت، ناتۆ گواستنەوەی سیستمەکەی بۆ کیێڤ گرتە ئەستۆ، فەرماندەی باڵای سەربازی ناتۆ خێراکردنی پرۆسەی ناردنی سیستمەکە بە هۆی هێرشی چڕی ڕووسیاوە ڕادەگەیەنێت.

لێدوانی فەرمی: ئەلێکسۆس گرینکیڤیتش، فەرماندەی باڵای سەربازی ناتۆ لە کۆنگرەیەکی رۆژنامەوانیدا ڕایگەیاند: ئامادەکاییەکان زۆر خێرا کراون بۆ زوو گواستنەوەی سیستەمی پاتریۆت بۆ ئۆکراینا، لە ڕێگەی ئەڵمانیاوە ئامادەکاریەکان چڕکراونەتەوە بۆ گەیشتنی مووشەکەکانی سیستمی بەرگریی ئاسمانی بە کیێڤ و فەرمانی ئەوە کراوە بە خێراترین شێوە سیستمەکە چالاک بکرێت بۆ ڕێگریکردن لە هێرشی چڕی ئاسمانی ڕووسیا.

لەلایەکی دیکەوە: دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانیدا ئەوەی ڕاگەیاند کە پاکێجێکی تەواو لە مووشەک و پێداویستییەکانی سیستمی بەرگریی ئاسمانی پاتریۆت لە ڕێگەی ناتۆوە بۆ ئۆکراینا دەنێرێت، بەڵام دەبێت هەریەک لە مۆسکۆ و کیێڤ هەوڵی چارەسەرکردنی ناکۆکییەکان و کۆتایهێنان بە جەنگ بدەن.