کچە هونەرمەندێکی کورد ڕۆبۆتێک دروست دەکات

ئاڤا نیوز

لیزان دزەیی، کچە هونەرمەندێکی کوردە و لەپاڵ کارە هونەری و بازرگانییەکانیدا ئێستا ڕۆبۆتێکی تایبەتی دروستکردووە و بڕیارە لە ماوەیەکی نزیکدا بیناسێنێت. 

چیرۆکی سەرەکی: لیزان دزەیی، کچێکی کوردی دانیشتوی وڵاتی هۆڵەندایە، جگەی لە کاری هونەری خاوەن کار و بازرگانە لە بواری جوانکاری خانمان و خاوەن براندێکی تایبەت بە خۆیەتی، ئێستا دەیەوێت بێتە ناوبواری زیرەک و دروستکردنی ڕۆبۆت، بەگوێرەی ئەو زانیارییانەی کە لە ئینستاگرامی تایبەت بەخۆی بڵاویکردووەتەوە. 

زانیاریی زیاتر: ئەو ڕۆبۆتەی ئەو کچە کوردە دروستی کردووە، بە lizan soul Bot ناسراوە و جۆرێکی نوێی زیرەکی دەستکردی تێدا بەکارهێنراوە، وەکو هاوڕێیەک مامەڵەت لەگەڵدا دەکات و هەستیارانە مامەڵە دەکات. 

ئەمەش بزانە: ئەو کچە کوردە لەگەڵ داهێنان و کارە هونەریەکانیدا، لەلایەن کۆمپانیای ئەڤیگنا پڕۆدەکشن وەک یەکێک لە باشترین بازرگانانی کورد خەڵاتی وەرگرتووە.