کوا مایکی ئاڤا؛ پەیام و داواکاریی بژمێرەکان گەیێنرا

ئاڤا نیوز

دوای ئەوەی ئاڤا میدیا پەیام و داواکاریی بژمێرەکان دەگەیێنێت، دەستەی ئامار هەر لەڕێگەی ئاڤا میدیاوە وەڵامی بژمێرەکان دەداتەوە و ڕایدەگەیێنێت کە ئەو پارەیەی بۆیان هاتووە وەک پاداشتە پێیان دراوە. هاوکات نوێنەری بژمێرەکان لە کاتی کۆنگرەکەدا داوای مایکی ئاڤای کرد و وتوویەتی کوا مایکی ئاڤا.

چی ڕوویدا: دوای ئەوەی لە کۆنگرەیەکی ڕۆژنامەوانیدا لە شاری هەولێر نوێنەری بژمێرەکان، سەرەڕای ئەو هەموو مایکەی لە پێشی بوو، بەڵام پێش دەستپێکردنی قسەکانی سەیری مایکەکان کرد وتی کوا مایکی ئاڤا. سەیری متمانەی خەڵک بکەن بۆ ئاڤا چۆن دەزانن کە بە حەقیقەت بووە بە شوێنی گەیاندنی دەنگییان، "ئەمە بژمێرەکانی سەرژمێرین، گلەیی و داواکارییان هەبوو، بەدواداچوونمان کردووە و جوابمان بۆ هێناونەتەوە".

لێدوانی فەرمی: دوای ئەوەی باخان نوێنەری بژمێرەکانی هەولێر لە کۆنگرەیەکی ڕۆژنامەوانی پەیامێکی ئاراستەی لایەن پەیوەندیدارەکان و حکومەتی عێراق کرد و دواتر لە لێدوانێکی تایبەت بۆ ئاڤا میدیا هەمان داواکاری کرد، ئەو 125 هەزار دینارەی وەریان گرتووە، پاداشتی حکومەتی عێراقە، یان نیوەی پارەی مانگی 12یە. هەروەها داوای کرد، ئەو بژمێرانەی کە دەرچووی زانکۆ و پەیمانگەکانن دادەمەزرێن یان نا.

زانیاریی پەیامنێر: دوای ئەوەی ئاڤا میدیا بەدواداچوونی کر و داواکارییەکانی گەیاندن بە دەستەی ئامار، سەرچاوەیەک لە دەستەی ئامار بە ئاڤای ڕاگەیاند، سەبارەت بە دامەزراندن تا ئێستا هیچ شتێک لە ئارادا نییە.

سەبارەت بە دابەشکردنی ئەو 125 هەزارەی بژمێرەکانیش وتی، ئەمە پاداشتە و هیچ بڕە پارەیەکی دیکە لەلایەن حکومەتی عێراقەوە لەداهاتوو نانێردرێت، چونکە بە پێی قسەی حکومەتی عێراقی بێت، شایستە داراییەکانیان لە ڕابردوو بەتەواوەتی وەرگرتووە.