مەحموود محەممەد: زۆر بێتاقەت دەبم کاتێک لە ئاستێکی نزم هونەری میللی دەبینم

ئاڤا نیوز

 

مەحموود محەممەد، هونەرمەندی میللی دەڵێت، "زۆر بێتاقەت دەبم کاتێک لە ئاستێکی نزم هونەری میللی دەبینم". دەشڵێت، نابێت هونەری میللی لە کولتوور و ڕەسەنایەتی لابدات و دەبێت خزمەتی زمان و کولتوور بکات.

 

ئەوەی پیویستە بیزانیت: مەحموود محەممەد، یەکێکە لە هونەرمەندە دیارە میللییەکانی شاری سلێمانی و هەرێمی کوردستان، ساڵانێکە خزمەتی هونەری میللی کوردی دەکات و چەندین بەرهەمی هونەری هەیە و بەشداریی ژمارەیەکی زۆر لە ئاهەنگ و فێستیڤاڵ و چالاکییە هونەرییەکان کردووە.

 

لێدوانی فەرمی: مەحموود محەممەد، هونەرمەندی میللی لە گەشتی هەواڵە کولتوورییەکانی ئاڤا -کە پێشکەشکار شانۆ بەکر فەرەج پێشکەشی دەکات- بەشداری کرد، گوتی: نابێت هونەری میللی لە کولتوور و ڕەسەنایەتی لابدات و دەبێت خزمەتی کولتوور و زمان بکات. دەشڵێت، "زۆر بێتاقەت دەبم کاتێک لە ئاستێکی نزم هونەری میللی دەبینم.

 

لە بەشێکی دیکەی چاوپێکەوتنەکەدا مەحموود محەممەد گوتی، هونەری میللی لەگەڵ گۆشت و خوێن و ئێسقانم تێکەڵاو بووە و ناتوانم لەو هونەرە دووربکەومەوە،  چونکە لە منداڵیەوە لەگەڵی دەژیم.
 
هونەرمەندە میللییەکەی شاری سلێمانی دەشڵێت، پەیوەندیم لەگەڵ زۆرێک لە هونەرمەندانی بوارەکانی دیکەی هونەر هەیە و هەموومان تەواوکەری یەکترین.