ئەردۆغان و پووتین جەخت لە سەقامگیریی سووریا دەکەنەوە

ئاڤا نیوز

تورکیا و ڕووسیا جەخت لە پاراستنی سەرەوەری خاکی سووریا و سەقامگیری ناوچەکە دەکەنەوە، هاوکات تورکیا ئامادەیی بەردەوامیدان بە میوانداریکردنی دانوستانەکانی نێوان ڕووسیا و ئۆکراینا نیشاندەدات.

چیرۆکی سەرەکی: ڕەجەب تەیب ئەردۆغان، سەرۆک کۆماری تورکیا لە ڕێگەی تەلەفۆنەوە لەگەڵ ڤلادیمێر پووتین، سەرۆکی ڕووسیا قسەی کرد. لە میانەی پەیوەندییەکەدا، تاوتوێی پەیوەندییەکانی نێوان تورکیا و ڕووسیا و پرسە ناوچەیی و جیهانییەکان کرا.

ڕاگەیێنراوی فەرمی: سەرۆکایەتی کۆماری تورکیا بڵاویکردەوە، ڕەجەب تەیب ئەردۆغان لە میانی پەیوەندییە تەلەفۆنییەکەی لەگەڵ ڤلادیمێر پووتین، سەرۆکی ڕووسیا ڕایگەیاند، ئەو پێکدادانانەی دوای کشانەوەی هێزە ئەمنییەکانی سووریا لە سوەیدا ڕوویانداوە، هەڕەشە بۆ سەر تەواوی ناوچەکە دروست دەکات و جەختی لەسەر گرنگیی ئەوە کردەوە کە ئیسرائیل سەروەریی خاکی سووریا پێشێل نەکات.

ئەردۆغان هەروەها ئاماژەی بەوەشدا، ئامانجی تورکیا بریتییە لە دابینکردنی سەقامگیری و ئاسایش لە سووریا و هاوکاریکردنی ئەو وڵاتە بۆ ئەوەی لە زووترین کاتدا دۆخی ئاسایی ببێتەوە.

زانیاریی زیاتر: لە بەشێکی دیکەی قسەکانیدا، ئەردۆغان تیشکی خستە سەر گرنگیی دەستپێکردنی گەڕی سێیەمی دانوستانەکانی نێوان ڕووسیا و ئۆکراینا و ڕایگەیاند، تورکیا بەردەوام دەبێت لە میوانداریکردنی گفتوگۆکان لە ئیستەنبوقڵ، کاتێک هەردوولا لەسەر بەروارێکی گونجاو ڕێکدەکەون.