ڕۆژنامەیەکی فەرەنسی پێشبینی کۆتایی هاتنی سوپای ئۆکراینا دەکات

ئاڤا نیوز

ڕۆژنامەیەکی فەرەنسی لە بارەی توانا سەربازییەکەی ئۆکرایناوە ئاشكرای دەکات، هێزەکانی ئۆکراینا دەتوانن تاوەکو کۆتایی ئەمساڵ بەردەوام بن لە شەڕکردن''

وێنە گەورەکە: لە شوباتی ساڵی 2022ـەوە شەڕی ڕووسیا و ئۆکراینا بەردەوامە، سەرەڕای بەردەوامبوونی هەوڵەکانی ئاشتی بۆ ڕاگرتنی شەڕەکە، بەڵام هەوڵەکان سەرکەوتنێکی بەرچاویان بەدەستنەهێناوە.

زانیاریی بەدەستهاتوو: ڕۆژنامەی لۆفیگارۆ فەرەنسی لەبارەی سوپای ئۆکرایناوە لە ڕاپۆڕتێکدا ئاشكرای کردووە، '' هێزەکانی ئۆکراینا لەوانەیە تا کۆتایی ئەمساڵ بڕوخێن و شكست بهێنن، ئەگەر هێزەکانی ڕووسیا لە هەموو بەرەکان بەم شێوەیە بەردەوام بن لە پێشڕەوییکردن''

زانیاریی زیاتر: بەگوێرەی ڕۆژنامەکە، ئۆکراینا لە سەرەتای دەستپێکردنی ئۆپەراسیۆنە سەربازییەکان، بڕێکی بەرچاو لە کەرەستەی سەربازی لەدەستداوە، ئەمەش کاریگەری لەسەر ئۆپەراسیۆنە سەربازییەکەی دژ بە ڕووسیا کردووە.

ئەوەی لەبارەیەوە دەگوترێت: هەمان ڕۆژنامە لەزاری سەرچاوەیەکی سەربازی فەرەنسییەوە ئاشكرای کردووە، ڕووسیا دەرفەتی زۆری هەیە لە داهاتوودا، ئەم دەرفەتەش تاکتیکی و درێژخایەنی پێدەبەخشێت''

ئەم پێشهاتە لە کاتێکدایە، ڕووسیا دوێنی شەو هێرشێکی نوێی فڕۆکەی بێفڕۆکەوان و مووشەکی ئاراستەی ئۆکراینا کرد.