دۆخی غەززە، ستیڤ ویتکۆف دەهێنێتە ڕۆژهەڵاتی ناوەڕاست

ئاڤا نیوز

ئەمریکا بۆ گەیاندنی هاوکارییە مرۆییەکان، نێردەی تایبەتی خۆی دەنێرێتە ڕۆژهەڵاتی ناوەڕاست.

وێنە گەورەکە: بەهۆی نەگەیشتنی هاوکارییە مرۆییەکان، فەلەستینییەکان لە دۆخێکی خراپدا دەژین و لەسەر ئاستی نێودەوڵەتیش داوا دەکرێت ڕێگە بدرێت هاوکارییەکان بگەیەنرێتە کەرتی غەززە.

لێدوانی فەرمی: تامی برووس، وتەبێژی وەزارەتی دەرەوەی ئەمریکا، لە کۆنگرەیەکی ڕۆژنامەوانیدا ڕایگەیاند، "ستیڤ ویتکۆف، نێردەی تایبەتی ئەمریکا بۆ ڕۆژهەڵاتی ناوەڕاست، سەردانی ناوچەکە دەکات. ئەمریکا هیواخوازە ڕێککەوتنی ئاگربەست بکرێت و ڕێڕەوی گەیاندنی هاوکارییە مرۆییەکان بۆ غەززە بکرێتەوە."

زانیاریی زیاتر: سەردانەکەی ویتکۆف هاوکاتە لەگەڵ قەیرانێکی مرۆیی زۆر سەخت لە غەززە، کە بەپێی ڕاپۆرتە نێودەوڵەتییەکان، دانیشتووانی کەرتی غەززە ڕووبەڕووی مەترسیی برسێتی و داڕمانی سیستمی تەندروستی بوونەتەوە.