عێراق بەردەوامە لە ڕێگریكردنی چوونی بەرهەمی مریشكی هەرێمی كوردستان

ئاڤا نیوز

 

هەرچەندە عێراق ساڵانە پێویستی بە هاوردەكردنی 700 تۆن گۆشتی مریشك هەیە، بەڵام ڕێگری لە چوونی بەرهەمی كێڵگە پەلەوەرییەكانی هەرێمی كوردستان دەكات و لەبری ئەوە لە دەرەوەی وڵات و سەرچاوەی نادیارەوە بەرهەمەكە هاوردە دەكات.

 

لێدوانی فەرمی: فیراس سديق، بەڕێوەبەری گشتیی سامانی ئاژەڵ لە وەزارەتی كشتوكاڵی هەرێمی کوردستان ڕایگەیاند، هەرێمی كوردستان لە بەرهەمی مریشك ئاستی خودبژێویی تێپەڕاندووە و بەرهەم لە پێداویستیی ناوخۆ زیاترە و باشترین بازاڕیش بۆ ساغكردنەوەی، باشوور و ناوەڕاستی عێراقە، بەڵام عێراق ڕێگریی لە چوونی بەرهەمی مریشكی هەرێمی كوردستان دەكات، ئەمە لە كاتێكدایە عێراق ساڵانە پێویستی بە یەك ملیۆن تۆن گۆشتی مریشك هەیە بەڵام تەنیا توانای بەرهەمهێنانی 300 هەزار تۆن گۆشتی مریشكی هەیە.

-هەرچەند پێویستییەكی زۆری بە مریشك هەیە، بەڵام عێراق ڕێگرە لەوەی هەرێمی كوردستان مریشك هەناردەی باشوور و ناوەڕاست بكات، كاتێكیش لێیان دەپرسین هۆكار چییە هەر جارێك جۆرێك بیانوو دەهێننەوە.

-جگە لە بەرهەمی مریشك، عێراق ڕێگریی لە بەرهەمی كارگەكانی ئالیكی هەرێمی كوردستانیش دەكات، لەكاتێكدا پارێزگاكانی عێراق پێویستیان بەم بەرهەمەیە و خواستی لەسەر زۆرە.

-هەرچەندە بە فەرمی ڕێگریی لە بەرهەمی مریشكی هەرێمی كوردستان دەگیرێت، بەڵام لە بازگەكانی عێراق لەبەرامبەر پێدانی بڕێك پارە بە گرووپەكان لە هەندێك شوێن ڕێگە دەدرێت.

-لەبری ئەوەی لە هەرێمی كوردستان هاوردەی بكات، عێراق ئامادەیە لە دەرەوەی وڵات مریشكی قاچاخی كوالێتی خراپ هاوردە بكات و بیداتە خەڵكەكەی خۆی.

-ڕێگرییەكان دەبنە هۆی دابەزینی نرخی مریشك و زیانی دارایی گەورەش بەر خاوەنی كێڵگە پەلەوەرییەكان دەكەوێت.

 

ئەوەی پێویستە بیزانیت: بەپێی داتاكانی وەزارەتی كشتوكاڵی هەرێمی كوردستان بەرهەمی ساڵانەی گۆشتی مریشك لە هەرێمی كوردستان نزیكەی 250 تۆنە، بەڵام پێویستیی ناوخۆ بۆ ئەم بەرهەمە 140 تاوەكو 150 تۆنە، بۆیە پێویستە ئەو بەرهەمەی لە ناوخۆ زیاد دەبێت.