تۆم باراک: ڕێککەوتنی دیمەشق و هەسەدە مێژووییە

ئاڤا نیوز

تۆم باراک، نێردەی تایبەتی ئەمریکا، ڕێککەوتنی نێوان حکومەتی سووریا و هەسەدەی وەک "هاوبەشییەکی نیشتمانیی ڕاستەقینە" و وێستگەیەکی مێژوویی وەسف کرد.

لێدوانی فەرمی: تۆم باراک، نێردەی تایبەتی ئەمریکا بۆ سووریا ڕایگەیاند: ئەم پێشهاتە نوێیە وەرچەرخانێکی ستراتیژییە بۆ دوورخستنەوەی بژاردەی سەربازیی؛ بڕگەکانی ڕێککەوتنەکە ڕەنگدانەوەی پابەندییەکی ڕاستەقینەی حکومەتی سووریایە بۆ گرتنەبەری ڕێبازی هاوبەشیی نیشتمانیی ڕاستەقینە.

زانیاریی زیاتر: نێردەی ئەمریکا جەخت لەوە دەکاتەوە کە ئەم گۆڕانکارییە ئەرێنییانە دەبنە هۆی خۆشکردنی ڕێگە بۆ دووبارە بنیادنانەوەی دامەزراوە نیشتمانییەکان و گەڕاندنەوەی متمانە لەنێوان لایەنە جیاوازەکاندا.

٠ باراک پێیوایە کە سووریا ئێستا بەرەو ئاسۆیەکی سیاسیی و کۆمەڵایەتیی فراوانتر هەنگاو دەنێت، کە تێیدا دیالۆگ جێگەی چەک دەگرێتەوە.

ئەوەی پێویستە بیزانیت: ئەمریکا وەک چاودێرێکی سەرەکیی بەردەوام دەبێت لە پشتگیریکردنی ئەم پڕۆسەیە تاوەکو دڵنیایی بدرێت کە هەموو پێکهاتەکان بەشدارن لە بەڕێوەبردنی وڵات و ڕێگریی لە هەر پەرەسەندنێکی سەربازیی نوێ دەگیرێت کە ئارامیی ناوچەکە بخاتە مەترسییەوە.

باکگراوند: ئەم ڕاگەیێنراوە دوای ئەوە دێت کە ئەمڕۆ 30-01-2026، هەسەدە و حکومەتی سووریا ڕێککەوتنێکی گشتگیریان بۆ ئاگربەست و تێکەڵکردنی هێزەکان واژۆ کرد.