ترەمپ: ئیسرائیل دەبێت بڕیار لەسەر هەنگاوەکانی داهاتووی لە غەززە بدات

ئاڤا نیوز

دۆخی غەززە کارەستبارە و دانوستانەکان ئەنجامێکی وایان بەدەستنەهێناوە، سەرۆکی ئەمریکاش دەڵێت ئیسرائیل دەبێت بڕیارێک بدات سەبارەت بە هەنگاوەکانی داهاتوو لە غەززە بدات.

چیرۆکی سەرەکی: هەوڵەکانی بۆ ڕاگەیاندنی ئاگربەست و ئاڵوگۆری بارمتە و دیلەکان لە غەززە بەردەوامن، ئیسرائیل ڕێگەی گەیاندنی هاوکارییە مرۆییەکانی کردەوە، ترەمپیش دەڵێت حەماس نایەوێت دانوستان بکات.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، پێویستە ئیسرائیل بڕیار لەسەر هەنگاوەکانی داهاتووی خۆی لە غەززە بدات، جەختی لەسەر گرنگی ئازادکردنی ئەو بارمتانەی کە لەلایەن حەماسەوە دەستبەسەکراون کردەوە، بەڵام حەماس نایەوێت ئەوان ئازاد بکات و پێویستە ئیسرائیل لەبارەیەوە بڕیارێک بدات.

لەلایەکی دیکەوە: بزووتنەوەی حەماس دەڵێت لەژێر گوشار و گەمارۆکان، جینۆساید و برسییەتییدا هیچ مانایەکی نییە دانوستان بکەین.

بەتەنیشت ئەم بابەتەوە: بنیامین نەتانیاهۆ، سەرۆکوەزیرانی ئیسرائیل ڕایگەیاند، پێویستە نەتەوەیەکگرتووەکان واز لە تاوانبارکردنی حکومەتەکەی بهێنێت بۆ دۆخی مرۆیی غەززە، دوای ئەوەی سوپای ئیسرائیل کردنەوەی ڕێگەی سەلامەتی بۆ چوونە ناو کەرتی غەززە ڕاگەیاند.