کۆمیسیۆن: لە دوو ڕۆژی داهاتوودا وردبینیی ناوی کاندیدەکان تەواو دەبێت

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق ڕایدەگەیێنێت، لە ماوەی دوو ڕۆژی داهاتوودا وردبینیی ناوی بەربژێرەکان تەواو دەکات. پاشان ناوەکان بۆ لایەنە پەیوەندیدارەکان دەنێردرێن بەمەبەستی لێکۆڵینەوەی ئەمنی و یاسایی.

وێنە گەورەکە: بڕیارە 11ـی تشرینی دووەمی ئەمساڵ هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، کۆمیسیۆنی باڵای سەربەخۆی هەڵبژاردنەکانیش بەردەوامە لە ڕێکارەکانی بۆ بەڕێوەبردنی پرۆسەکە.

لێدوانی فەرمی: د. عیماد جەمیل، سەرۆکی تیمی ڕاگەیاندنی کۆمیسیۆن، ڕایگەیاند، ژمارەی کاندیدەکان حەوت هەزار و 900 کەسی تێپەڕاندووە، لەو ژمارەیەش تا ئێستا 46 کاندید دوورخراونەتەوە، 11 کەسی دیکەش بەهۆی کێشەی بڕوانامەی زانکۆوە گۆڕدراون، هەروەها سێ کاندیدی پیاو بە کاندیدی ژن گۆڕدراون بۆ مسۆگەرکردنی نوێنەرایەتیی ئافرەتان.

لەهەمان کاتدا: سەرۆکی تیمی ڕاگەیاندنی کۆمیسیۆن گوتیشی: بڕیارە لە ڕۆژی 5ـی مانگی ئاب تیروپشکی دیاریکردنی ژمارەی بەربژێرەکان ئەنجام بدرێت.

لەلایەکی دیکەوە: ئەنجوومەنی باڵای دادوەری جەختی لەسەر ڕێگریکردن لە گەڕانەوەی هێماکانی ڕژێمی بەعس و جێبەجێکردنی وردی یاسا کردووەتەوە لە پرۆسەکەدا.