لە ئەڵمانیا زیاتر لە شەش هەزار هاووڵاتی تورکیا فەرمانی دەستگیرکردنیان هەیە

ئاڤا نیوز

حکومەتی ئەڵمانیا چەند ئامارێکی فەرمی لە بارەی ژمارەی ئەو کەسانەی لە ئەڵمانیا داواکراون بڵاو دەکاتەوە، تێیدا دەردەکەوێت هاووڵاتیانی تورکیا لەو وڵاتە لە ڕیزبەندی چوارەمدان.

زانیاریی بەدەستهاتوو: میدیاکانی ئەڵمانیا بڵاویانکردەوە، لە چوارچێوەی لێکۆڵینەوەیەکی پەرلەمانیدا دەرکەوتووە، نزیکەی شەش هەزار و 382 هاووڵاتی تورکیا فەرمانی دەستگیرکردنیان لەو وڵاتە بۆ دەرچووە، ئەمەش وایکردووە کە چوارەم ڕەگەزنامەی داواکراو بن.

قووڵتر: بەگوێرەی داتاکان کۆی گشتی ژمارەی ئەو کەسانەی کە لە ئەڵمانیا داواکراون، 148 هەزار کەسن کە زۆربەیان کەسانی بیانین، ڕۆمانییەکان لە ڕیزبەندی یەکەمدان بەدوایدا پۆلەندییەکان و جۆرجییەکان دێن و تورکەکانیش لە ڕیزبەندی چوارەمدان.

پێدراوە ڕاستەکان: لە ساڵی 2025، ژمارەی ئەو کەسانەی بە ڕەچەڵەک تورکن لە تورکیا بۆ یەک ملیۆن و 400 هەزار کەس بەرزبووەتەوە و گەورەترین کۆمەڵگەی بیانی لە وڵاتەکە پێکدەهێنن.