ئاگادارییەكی گرنگ بۆ ئەوانەی بە نیازی تاقیكردنەوەی ئاستی زمانی ئینگلیزین

ئاڤا نیوز

وەزارەتی خوێندنی باڵا و توێژینەوەی زانستی ئاگادارییەکى گرنگ بۆ خوازیارانی تاقیكردنەوەی دیاریكردنی ئاستی زمانی ئینگلیزی بڵاودەكاتەوە كە سبەی سێشەممە ناونووسین بۆ بەشداریكردن لە تاقیكردنەوەکە دەستپێدەكات و تاوەكو سێ ڕۆژ بەردەوام دەبێت.

ڕاگەیێنراوی فەرمی: بەپێی ڕاگەیێنراوەكەی وەزارەتی خوێندنی باڵا و توێژینەوەی زانستی، سبەى 2025-07-29 تاوەكو 2025-07-31، ناونووسین بۆ تاقیکردنەوەى دیاریکردنى ئاستى زمانى ئینگلیزى (placement test) لە سەنتەرى زمانى نێو زانکۆکانى هەرێمی کوردستان دەستپێدەکات.

ئەوەی پێویستە بیزانیت: بەمەبەستی بەشداریكردن لە تاقیكردنەوەكە، خوازیارران دەتوانن داواکارییەکانیان لە ڕێگەى ئەم لینکە پێشکەش بکەن.

باكگراوند: دوای بەدواداچوونی ئاڤا میدیا و گەیاندنی داواكاریی هەزاران قوتابیی خوێندنی باڵا سەبارەت خولی توانستی زمانی ئینگلیزی، وەزارەتی خوێندنی باڵا بڕیارێكی لە بەرژەوەندیی قوتابییان دا و تاكلایەنانە و بێ گەڕانەوە بۆ سەنتەرەكانی زمان، ناونووسینی بۆ تاقیكردنەوەی توانستی زمانی ئینگلیزی كردەوە، كە لە مانگی تشرینی دووەمی ساڵی ڕابردووەوە بەهۆی بوونی گرفت لە گرێبەستی سەنتەرەكان ڕاگیرابوو.