دانیمارک: دەتوانین پرسی گرینلاند لەگەڵ واشنتن چارەسەر بکەین

ئاڤا نیوز

دانیمارک لەبارەی پرسی گرینلاند ڕایدەگەیێنێت کە دەکرێت لەگەڵ واشنتۆن چارەسەری ئەو بابەتە بکرێت بەو بەو مەرجەی ڕێز لە هێڵە سوورەکانی ئەو وڵاتە بگیرێت.

لێدوانی فەرمی: لارس لۆکێ ڕاسموسن، وەزیری دەرەوەی دانیمارک، لە کۆنگرەیەکی ڕۆژنامەوانیدا لە شاری نووک پایتەختی گرینلاند ڕایگەیاند: دانوستاندنەکان لەگەڵ ئەمریکا سەبارەت بە گرینلاند دەتوانێت ببێتە هۆی چارەسەرێکی باش کە ڕێز لە یەکپارچەیی خاکەکە و مافی چارەی خۆنووسین بگرێت.

وەزیری دەرەوەی دانیمارک، دەڵێت: "ئێمە هەر لەسەرەتاوە بە ڕوونی ئەوەمان ڕاگەیاندووە دەکرێت پرسەکە چارەسەر بکەین بەو مەرجەی ڕێز لە هێڵە سوورەکانمان بگیرێت."

لەلایەکی دیکەوە: وەزیری دەرەوەی گرینلاند، ڤیڤیان مۆتزفێڵد، دەڵێت: "هەرچەندە گفتوگۆکان لەگەڵ ئەمریکا ئەرێنییە و بەردەوامن، بەڵام هێشتا بەمشێوەیە نیە کە گرینلاند دەیەوێت، جارێ زووە پێشبینی ئەوە بکەین چی ڕوودەدات."

ئەوەی پێویستە بیزانیت: لە سەرەتای ئەم مانگە، ترەمپ، لەگەڵ مارک ڕووتە، سکرتێری گشتیی ناتۆ کۆبوویەوە و هێڵکارییەکی بۆ ڕێککەوتنێک کرد، بەگوێرەی ڕەشنووسی ڕێکەوتنەکە، پاراستنی سەروەری دانیمارک بەسەر گرینلاند و نوێکردنەوەی مەرجەکانی ڕێککەوتنی ساڵی 1951 سەبارەت بە بەرگریی دوورگەکە دیاری کراوە.

باکگراوند: لە سەرەتای دەستپێکردنی خولی دووەمی سەرۆکایەتییەکەی، دۆناڵد ترەمپ وەک سەرۆکی ئەمریکا، خواستی خۆی بۆ کۆنترۆڵکردنی ئەو دوورگەیە دەربڕییووە، بۆ بەدەستهێنانیشی سەرجەم بژاردەکان لەسەر مێز بوون.