کۆنگرسێمانێكی ئەمریکی: بە درۆن هێرشکردنە سەر هەرێمی کوردستان قبوڵکراو نییە

ئاڤا نیوز

جۆو ویڵسن، کۆنگرێسمانی ئەمریکی لە تۆڕی کۆمەڵایەتی ئێکس لەبارەی هێرشە درۆنییەکانی سەر هەرێمی کوردستان هەڵوێست وەردەگرێت و نووسیویەتی  کە ئەم جۆرە هێرشانە ئەمەش قبوڵکراو نین.

چی ڕوودەدات: ماوەی مانگێکە کێڵگە نەوتییەکانی هەرێمی کوردستان ڕووبەڕووی ‌هێرشی دڕۆنی تووند دەبێتەوە، لیژنەیەکی باڵای ئەمنیی هاوبەشی نێوان بەغدا و هەولێر، دوێنی دووشەممە لە هەولێر کۆبوونەوە و لێکۆڵینەوە لە هێرشە درۆنییەکانی سەر کێڵگە نەوتییەکانی هەرێمی کوردستان کرد، وەزیری ناوخۆی هەرێمی کوردستان، ڕەخنەی لە بێ ئەنجامی لیژنەکانی پێشوو گرت و هۆشدارییەکی ڕاشکاوانەی دا کە ئەگەر ئەمجارەش هەوڵەکان بێ ئەنجام بن، هەرێمی کوردستان بۆ پاراستنی بەرژەوەندییەکانی خۆی هەتا سەر بێدەنگ نابێت.

بڵاوکراوەی فەرمی: جۆو ویڵسن، کۆنگرێسمانی ئەمریکی لە ئێکس ڕایگەیاند، لەگەڵ بەرپرسی فەرمانگەی پەیوەندییەکانی دەرەوەی حکومەتی هەرێم، سەبارەت بە هێرشە درۆنییەکان بۆ سەر کێڵگە نەوتییەکانی کوردستان گفتوگۆم کردووە: بەداخەوە بە درۆن هێرش کراوەتە سەر هاوڕێ بە بەهاکانمان لە هەرێمی کوردستان.

زانیاریی بەدەستهاتوو: لەدرێژەی نووسراوەکەدا ویڵسن وتی، بەداخەوە بە پارەی ئەو باجانەی بە بەغدا دەدرێت، میلیشیاکان پارەدار دەکرێن بۆ هێرشکردنە سەر حکومەتی هەرێمی کوردستان و هێزەکانی ئەمریکا، هاوکات بە هاوکاریی ئێران کار بۆ تێکدانی سەقامگیری سووریا، عێراق، لوبنان و یەمەن دەکەن، هەربۆیە ناکرێت چیتر ئەمە قبوڵ بکرێت، کار دەکەم بۆ ئەوەی بە فەرمی گرووپی میلیشیاکانی عێراق بخرێنە ناولیستی ڕێکخراوە تیرۆریستییەکان، چیتر ئەمریکا هاوکاریی دارایی عێراق نەکات و ئەوانیش هاوکاریی میلیشیاکان نەکەن.