لە هەڵەبجە کێڵگەی پەلەوەریی زیرەک بۆ ژنانی خاوەن پێداویستی تایبەت دادەنرێت

ئاڤا نیوز

لە هەنگاوێکی ناوازەدا، بەمەبەستی بەکارخستنی ئافرەتانی خاوەن پێداویستی تایبەت لە پارێزگای هەڵەبجە، پرۆژەی کێڵگەی پەلەوەریی زیرەک بۆ خانمانی خاوەن پێداویستی تایبەت دادەنرێت.

چیرۆکی سەرەکی: پرۆژەی کێڵگەی پەلەوەریی زیرەک بۆ خانمانی کەمئەندام، لەلایەن وەزارەتی کۆچ و کۆچبەرانی عێراق و باڵیۆزخانەی ئوستراڵیا لە عێراق پاڵپشتی دەکرێت و، ڕێکخراوی کەمئەندامانی هەڵەبجە پێی هەڵساوە، دوای کردنەوەی خولێکی پڕاکتیکی بۆ خانمانی بەشداربووی پرۆژەکە، بڕوانامەی بەشداریکردن بەسەر سوودمەندبووان دابەشکرا.

لێدوانی فەرمی: نوخشە ناسیح، پارێزگاری هەڵەبجە لەبارەی پرۆژەکە، پێزانینی خۆی ئاڕاستەی ڕێکخراوی کەمئەندامانی هەڵەبجە کرد و پاڵپشتی تەواوی پارێزگای هەڵەبجەی بۆ هاریکاری خانمانی خاوەن پێداویستی تایبەت دەربڕی و ستایشی هەوڵ و تواناکانی، کردن.