لە هەولێر پیاوێک زیاتر لە 45 ساڵە پیکابێکی هەیە

ئاڤا نیوز

لە هەولێر پیاوێکی بە تەمەن زیاتر لە 45 ساڵە ئۆتۆمبێلێکی جۆری پیکابی هەیە و ئامادە نیە بیفرۆشێت.

چیرۆکی سەرەکی: قادر عەوڵا کە تەمەنی 86 ساڵە، لە ساڵی 1980 ئۆتۆمبێلێکی تۆیۆتای جۆری پیکابی سفر کیلۆمەتری لە کۆمپانیا دەرهێنا و تاوەکو ئێستا لەلای خۆیەتی، وەکو چاوی خۆی خۆشی دەوێت و دەیپارێزێت، وەک خۆی دەڵێت، پیکابەکەی بە قەد پیکابێکی ئێستا تاقەت و توانای هەیە و کەشخەیە. لە کاتی خۆی پێی دەوترا تۆیۆتای جووتیاران یان فەلاحی.

زانیاریی پەیامنێر: قادر عەوڵا، خاوەنی پیکابەکە بە عوبێد هەرکی، پەیامنێری ئاڤا میدیا دەڵێت، "بە هەموو تەمەنم ئەو پیکابەم خێرا لێ نەخوڕیوە و گێچی خێراییەکە لە 90 تێپەڕی نەکردووە، هەروەها لە ژیانیشم سەرپێچیم پێ نەکردووە، کەچی تەواوی عێراق پێی گەڕاوم، تەنانەت کرێ و باریشم پیی کردووە".

دەشڵێت، ئەم پیکابە مشتەرییەکی زۆری هەیە، "هەر کە بە ڕێگاوبان دا دەڕۆم، خەڵک هەمووی سەیری دەکات، لەبەرئەوەی یادگاری کۆنیان بیر دێتەوە و ڕایدەگرن و داوا دەکەن پێیان بفرۆشم، بەڵام من نایفرۆشم، چونکە سەرچاوەی ڕزقم بووە و ڕێزی زۆر بۆ ماندووبوونی دەگرم".