سلۆڤینیا هەناردەی چەک بۆ ئیسرائیل ڕادەگرێت

ئاڤا نیوز

سلۆڤینیا، بە هۆی هێرشەکانی ئیسرائیلەوە بۆ سەر کەرتی غەززە، هەناردەی چەک بۆ ئەو وڵاتە ڕادەگرێت.

ڕاگەیێنراوی فەرمی: حکومەتی سلۆڤینیا ڕایگەیاند بە هۆی شەڕی غەززەوە هەموو جۆرە بازرگانییەکی چەک لەگەڵ ئیسرائیل ڕادەگرێت. 

زانیاریی زیاتر: قەدەغەی بازرگانییەکە هەموو جۆرە هەناردە، هاوردە و ترانسیتی چەک لە ئیسرائیلەوە و بۆ ئیسرائیل دەگرێتەوە. 

ئەمەش بزانە: سلۆڤینیا یەکەم وڵاتە لە ناو وڵاتانی ئەندامی یەکێتیی ئەوروپا کە هەنگاوی لەو جۆرە بنێت. حکومەتی سلۆڤینیا ڕایگەیاندووە ئەم بڕیارەی داوە چونکە یەکێتییەکە نەیتوانیوە ڕێکاری کۆنکرێتی بۆ ئەو بابەتە بگرێتە بەر.