ترەمپ: مامەڵەکردن لەگەڵ پووتین سەختە

ئاڤا نیوز

 

ناکۆکییەکانی ئەمریکا و ڕووسیا تا دێت زیاتر دەبن و لە نوێترین لێدوانیدا، سەرۆکی ئەمریکا دەڵێت، ''مامەڵەکردن لەگەڵ پووتین  سەختە''.

 

زانیاریی بەدەستهاتوو: ڕۆژی شەممە 2-8-2025، دۆناڵد ترەمپ، سەرۆکی ئەمریکا لە چاوپێکەوتنێکیدا لەگەڵ کەناڵی ''نیوزماکس" ڕایگەیاند، مامەڵەکردن لەگەڵ  پووتین قورسە و ئاسان نییە، بەڵام لە هەمان کاتدا جەختی لەوە کردەوە کە لە ڕابردوودا گفتوگۆی باشیان کردووە کە دەکرا ببێتە هۆی کۆتاییهاتنی شەڕی ڕووسیا و ئۆکرانیا.

 

لێدوانی فەرمی: دۆناڵد ترەمپ، سەرۆکی ئەمریکا  ڕایگەیاند، ڤلادیمێر پووتین، سەرۆکی ڕووسیا زۆر توندە، بەڵام گفتوگۆی باشمان ئەنجامداوە ئەوەشی جێگای سەرنج بوو لە ناوەڕاستی ئەو گفتوگۆیانەدا پووتین دەستی بە بۆردومان کردنی کیێڤ دەکردەوە.

 

ترەمپ، ئاماژەی بەوەشدا، ''سێ جار نزیک بووینەوە لە کۆتاییهێنان بە شەڕی سێ ساڵەی نێوان مۆسکۆ و کیێڤ''.

 

لەلایەکی دیکەوە: ترەمپ خواستی خۆی بۆ کۆتاییهێنان بە شەڕی نێوان هەردوو وڵات دووپاتکردەوە و گوتی، ئەگەر کۆتایی بە جەنگ نەهێنن ئەوا بەنیازە سزای زیاتر بەسەر مۆسکۆدا بسەپێنێت.