وەزارەتی پەروەردە قوتابیان لەبارەی تاقیكردنەوەكانی خولی دووەم ئاگادار دەكاتەوە

ئاڤا نیوز

 

لیژنەی باڵای تاقیكردنەوەكان، سەرجەم قوتابیانی پۆلی دوازدەی ئامادەیی، ئەوانەی تاقیكردنەوەی خولی دووەمیان ماوە، ئاگادار دەكاتەوە كە لەڕێگەی بەستەرێكەوە بەر لە ڕۆژی 23ـی ئەم مانگە لە هۆڵی تاقیكردنەوەكانیان دڵنیا ببنەوە.

 

چیرۆكی سەرەكی: ڕۆژی 23-8-2025، تاقیكردنەوەكانی خولی دووەمی پۆلی دوازدەی ئامادەیی دەست پێ دەكات، قوتابیان بەپێی پارێزگا و ئیدارە سەربەخۆكان و قوتابخانەکانی خۆیان، دەتوانن شوێن و هۆڵی تاقیكردنەوەكانیان لەڕێگەی بەستەرێكەوە بزانن كە وەزارەتی پەروەردەی حكومەتی هەرێمی كوردستان بڵاوی كردووەتەوە و بەستەرەكە لە ماڵپەڕی ئاڤا نیوز بەردەستە.

 

ڕاگەیێنراوی فەرمی: لیژنەی باڵای تاقیكردنەوە گشتییەكان لە وەزارەتی پەروەردە لە ڕاگەیێنراوێكدا داوا لە قوتابیانی پۆلی دوازدەی ئامادەیی دەكات، ڕۆژێك پێش ئەنجامدانی تاقیكردنەوەكان لە ڕێككەوتی 23ـی ئابی 2025، كە كاتژمێر 7:30 خولەك ئەنجام دەدرێت، سەردانی قوتابخانەكانی خۆیان بكەن بۆ دڵنیابوونەوە لە شوێنی هۆڵی تاقیكردنەوەی خولی دووەم.

 

ئەوەی پێویستە بیزانیت: لەکاتی هەبوونی هەڵە لە وانەی ماوە بۆ خولی دووەم یاخود هەر زانیارییەکی دیکەی پەیوەست بە قوتابی، پێویستە بە زووترین کات پەروەردەی خۆی لێ ئاگادار بکاتەوە بەمەبەستی چارەسەرکردنی.

 

بەستەری دۆزینەوەی هۆڵی تاقیكردنەوە: