وەزیری دەرەوە فەرەنسا: پێویستە حەماس لە غەززە دووربکەوێتەوە

ئاڤا نیوز

ژان نویل بارۆت، وەزیری دەرەوەی فەرەنسا لەبارەی بارودۆخی ئێستا غەززەوەدەڵێت: پێویستە حەماس چەک دابنێن و لە غەززە دووربکەونەوە.

وێنە گەورەکە: بارودۆخی مرۆیی غەززە، لە خراپترین ئاستدایە و هێرشەکانی ئیسرائیل بۆ سەر ئەو کەرتە تاوەکو ئێستا بەردەوامە، بەهۆی بەردوامی گەمارۆکانیشەوە ڕۆژانە چەندین کەس لە تەمەنی جیاواز بەهۆی برسییەتییەوە گیان لەدەست دەدەن. 

ڕاگەیینراوی فەرمی: ژان نویل بارۆت، لە تۆڕی کۆمەڵایەتیی ئێکسەوە بڵاویکردەوە: دەبێت ڕێگە بدرێت بە زووترین کات هاوکارییە مرۆییەکان ڕەوانەی غەززە بکرێن، هاوکات لەسەر حەماس پێویستە بەزووترین کات چەک دابنێت و سەرجەم بارمتەکانیش ئازاد بکات. 

لەلایەکی دیکەوە: ئەم قسانەی وەزیری دەرەوەی فەرەنسا لە کاتێکدایە کە پێشتر سەرۆک ئەرکانی سوپای ئیسرائیل ڕایگەیاندبوو، ئەگەر بارمتەکان ئازاد نەکرێن ئۆپراسیۆنە سەربازییەکانمان لە کەرتی غەززە بەردەوام دەبێت.