گڕکانێکی ڕووسیا دوای 600 ساڵ جارێکی دیکە چالاک دەبێتەوە

ئاڤا نیوز

بەهۆی بوومەلەرزەیەکی بەهێزەوە، گڕکانی کراشینیکۆف لە ڕووسیا جارێکی دیکە و دوای 600 ساڵ چالاک دەبێتەوە.

چیرۆکی سەرەکی: دوای هەفتەی ڕابردوو بوومەلەرزەیەک بە گوڕی 8.7ی ڕێختەر ڕووسیای هەژاند، گڕکانێک کە بۆ ماوەی شەش سەدە بوو خامۆشی باڵی بەسەردا کێشابوو، جارێکی دیکە چالاک دەبێتەوە. 

بڵاوکراوەی فەرمی: میدیاکانی ڕووسیا بڵاویان کردووەتەوە، ڕووسیا گڕکانی کراشینیکۆف لە دورگەی کامچاتکای ئەو وڵاتە چالاک بووەتەوە و بە بەرزی 5 تا 6 کیلۆمەتر خۆڵەمێش و ماددەی کانزانی فڕێ داوەتە دەرەوە.

زانیاریی زیاتر: زانایانی ئەو وڵاتە ئاماژەیان بەوە داوە کە کاریگەری ئەو گڕکانە لەسەر ژینگە و کەش و هەوا مەترسی دارە چونکە گازێکی ژەهراوی چووەتە ناو هەوا و بەرەو زەریای ئارام دەڕوات.