لەبەردەم ماڵێکدا لە هەڵەبجە دوو کەس کوژران و کەسێکیش بەسەختی بریندارە

ئاڤا نیوز

بەرەبەیانی ئەمڕۆ لەهەڵەبجە، سێ گەنج لەبەردەم ماڵێکدا دەستڕێژی گوللـەیان لێدەکرێت، دووانیان کوژراون و یەکێکیان بەسەختی بریندارە، پۆلیسی هەڵەبجەش دەڵێت: دوو گومانلێکراو دەستگیرکراون.

چیرۆکی سەرەکی: نزیکەی کاتژمێر 03:00 بەرەبەیانی ئەمڕۆ، لەبەردەم ماڵێک لەگەڕەکی فەرمانبەرانی شاری هەڵەبجە کەسێک تەقە لە سێ گەنج دەکات و ڕادەکات، تاوەکو ئێستا هۆکاری تەقەکردنەکە ڕوون نەبووەتەوە.

لێدوانی فەرمی: ئاکام قوتبەدین، وتەبێژی پۆلیسی ‌هەڵەبجە بە ئاڤای گوت، "دووکەس بەناوەکانی (ب .ج .ف) و(ش . م .ا) کوژراون و کەسێکی کە بەناوی(پ. م . ت)بریندار بووە، دوو گومانلێکراو بەبڕیاری بەڕێز دادوەری لێکۆڵینەوە  بەمادەی 406 ی  دەستگیرکراون و پەڕاوی لێکۆڵینەوەش لەبنکەی پۆلیسی هەڵەبجە بۆڕووداوەکە ڕێکخراوە و لێکۆڵینەوەکان بەردەوامە."