ئەفسەرانی وەزارەتی پێشمه‌رگه‌ بەشدارییان لە خولێكی ستراتیژی لە ئەمریكا کرد

ئاڤا نیوز

ژمارەیەک ئەفسەری هێزی پێشمەرگە، کۆتاییان بە خولێکی تایبەتی ستراتیژییەت و داڕشتنی پلانی درێژخایەن و بڕیاردان و بەڕێوەبردنیی ئەرکەکان هێنا؛ کە لە واشنتنی پایتەختی ئەمریكا بەسەرپەرشتی سەنتەری (NESA) بۆ توێژینەوە ستراتیژییەکان لە زانکۆی بەرگریی نیشتمانی بەڕێوە چوو.

 

چیرۆكی سەرەكی: خولی ستراتیژییەت و داڕشتنی پلانی درێژخایەنی سەربازی و بڕیاردان و بەڕێوەبردنی ئەرك، لەلایەن سەنتەری 'نیسا' بۆ توێژینەوە ستراتیژییەکان بەڕێوە چوو؛ چەندین بابەتی هەمەجۆر لەڕووی تیۆرییەوە پێشکەش بە ئەفسەرە بەشداربووەكانی وەزارەتی پێشمەرگە كران و پاشان یەکەیەکی مەشقی پراکتیکیی ئەنجام درا، لە کۆتاییی خولەکەشدا بڕوانامە بەخشرایە بەشداربووان.

 

ئەوەی پێویستە بیزانیت: زانکۆی بەرگریی نیشتمانی لە ئەمریکا، یەکێکە لە زانکۆ پێشکەوتووەکانی جیهان، کە ساڵانە لە سەرتاسەری جیهان ئەفسەرانی نەتەوە جیاوازەکان وەردەگرێت. ئامانجی سەرەکی کۆلێژەکە؛ پێگەیاندن و ئاشناکردنی ئەفسەرانە بە وانەكانی پەیوەست بە: سەرکردایەتی، ئەرکان، تەکتیکی سوپا، سیستمی دیجیتاڵی جەنگی، فەرماندەیی بۆ هەموو قۆناغەکانی هێرش و بەرگری و وردەکاریی دیکەی جەنگی و تەکتیکی سەربازی لە ئۆپەراسیۆنەکاندا، کە پێویستە ئەفسەری پێگەیشتوو پێیان ئاشنا بێت.