نیویۆرک "جەنگی گشتگیر"ی دژی جرجەکان ڕاگەیاند

ئاڤا نیوز

شاری نیویۆرک جەنگێكی بەرفراوانی دژ بە جرجەکان ڕاگەیاند کە زۆرینەی شەقام و هێڵەکانی شەمەندەفەرەکانیان لە ژێر زەوی ئەو ناوچەیە تەنیوە، کە ئەمەش وای کردووە بەشێک دایک و باوکان بترسن لەوەی منداڵەکانیان بەسەر شۆستەکاندا ڕێبکەن. 

وێنە گەورەکە: بەرپرسانی شاری نیویۆرک ستراتیژییەتی ڕووبەڕووبوونەوەی جرجەکانیان فراوانتر کردووە و چەندین ڕێگا بۆ کەمکردنەوەی ژمارەیان گرتووەتەبەر.

زانیاریی زیاتر: جگە لە بەکارهێنانی گاز بۆ خنکاندنی جرجەکان لە کونەکاندا، ئێستا تەکنەلۆژیای پێشکەوتوو بەکاردەهێنن بۆ نەزۆککردنی جرجەکان و هاوتەریب لەگەڵ ئەم هەنگاوانەدا، هەوڵێکی بەرفراوان هەیە بۆ هۆشیارکردنەوەی خەڵک لەسەر گرنگیی بەجێنەهێشتنی پاشماوەی خۆراک کە دەبێتە سەرچاوەی ژیانی جرجەکان.

زانیاریی بەدەستهاتوو: شارەوانی نیویۆرک بۆ ڕووبەڕووبوونەوەی ئەم دیاردەیە، هەلێکی کاری نوێی بە ناوی "قەیسەری جرج" یان بەڕێوەبەری کەمکردنەوەی جرج ڕاگەیاندووە و کەسێکیشیان بە ناوی کاتلین کۆرادی بۆ ئەم پۆستە دەستنیشانکراوە و ئەم کەسە پێشتر مامۆستای قۆناغی سەرەتایی و چالاکوانی دژە جرج بووە، ئەرکی ڕووبەڕووبوونەوەی ملیۆنان جرجی پێ سپێردراوە.

لێدوانی فەرمی: کارۆلین براگدۆن، لە بەشی کۆنترۆڵکردنی ئافات لە تەندروستیی نیویۆرک ڕایگەیاند، کەمبوونەوەی خۆراک فشار لەسەر جرجەکان دروست دەکات و وادەکات کەمتر زاوزێ بکەن.

یەکێکی دیکە لە ڕێگا نوێیەکان بەکارهێنانی دەرمانی ڕێگری لە دووگیانییە بۆ جرجەکان، کە لە ناوچە دیاریکراوەکانی کەمکردنەوەی جرجدا دابەش دەکرێت. ئەم دەرمانە لەسەر هەردوو نێر و مێی جرج کاردەکات بۆ نەزۆککردنیان