سەرچاوەیەک: ئەگەر هەیە زێلێنسکی بەشداری کۆبوونەوەی لووتکەی ترەمپ و پووتین بکات

ئاڤا نیوز

کەناڵێکی ئەمریکی ئاشکرای کرد ''ئەگەر هەیە ڤۆلۆدێمێر زێلێنسکی، سەرۆکی ئۆکراینا بەشداری کۆبوونەوەی لووتکەی نێوان ترەمپ و پووتین بکات''

چیرۆکی سەرەکی: لە چوارچێوەی هەوڵەکان بۆ دۆزینەوەی چارەسەرێکی دیپلۆماسی بۆ شەڕی ڕووسیا و ئۆکراینا، هەر یەکە لە دۆناڵد ترەمپ، سەرۆکی ئەمریکا و ڤلادێمیر پووتین، سەرۆکی ڕووسیا بڕیارە ڕۆژی هەینی 2025-08-15 لە ئالاسکا کۆببنەوە.

زانیاریی بەدەستهاتوو: کەناڵی CBSـی ئەمریکی لە زاری بەرپرسێکی باڵای ئەمریکی لە کۆشكی سپی ئاشکرایکردووە، ''ڕەنگە ڤۆلۆدیمیر زێلێنسکی، سەرۆکی ئۆکراینا بەشداری لە کۆبوونەوەی لووتکەی نێوان ڤلادیمێر پووتین سەرۆکی ڕووسیا و  دۆناڵد ترەمپ سەرۆکی ئەمریکا بکات''

زانیاریی زیاتر: یوری ئوشاکۆڤ. یاریدەدەری سەرۆکی ڕووسیا ئەوەی خستەڕوو، کە ستیڤ ویتکۆف. نێردەی ترەمپ ئەگەری کۆبوونەوەی سێ قۆڵی نێوان پووتین و ترەمپ و زێلینسکی لە کرێملین وروژاندووە، بەڵام لایەنی ڕووسی هیچ لێدوانێکی لەو بارەیەوە نەدا و تەنیا سەرنجی لەسەر ئامادەکاری بۆ لووتکەی دوو قۆڵی دەربڕی.