ئێران زانا ئەتۆمییەکانی بەرەو شوێنی سەلامەت دەگوازێتەوە

ئاڤا نیوز

بەپێی میدیاکانی ئەمریکا و بەریتانیا، حکومەتی ئێران بۆ پاراستنی ژیانی زانا ئەتۆمییەکانی سەرجەمیان بۆ شوێنێکی سەلامەت دەگوازێتەوە.

چیرۆکی سەرەکی: ڕۆژی 13-6-2025، ئیسرائیل هێرشی ئاسمانی  بەرفراوانی کردە سەر دامەزراوە ئەتۆمییەکانی ئێران لەو هێرشانە جگە لە وێرانکردنی ژێرخانی ئەتۆمی ئەو وڵاتە و چەندین سەکردەی سەربازی و  زانای ئەتۆمی تارانی بە ئامانج گرت.

زانیاریی بەدەستهاتوو: ڕۆژنامەی تەلەگرافی بەریتانی لە زاری بەرپرسێکی باڵای ئەمریکی بڵاویکردووەتەوە، دوای کوژرانی زانا ئەتۆمییەکانی ئێران زۆربەی زانایا ئەتۆمییەکانی لەگەڵ خێزانەکانیان بۆ شوێنێکی سەلامەت گواستووەتەوە ئەمەش بۆ پاراستنی ژیانیان.

ئەمەش بزانە: هەر بە گوێرەی ڕۆژنامەکە ئێران هەندێک کەسی لە شوێنی زانا ئەتۆمییەکانی داناوە و لە زانکۆکان وانە دەڵێنەوە کە هیچ پەیوەندییەکیان بە بەرنامە ئەتۆمییەکانەوە نییە و ئەمەش تەنیا بۆ شاردنەوەی زاناکانی و پاراستنیان.