سەرۆکی ئەمریکا خەڵاتێک بۆ دەستگیرکردنی سەرۆکی فەنزوێلا ڕادەگەیەنێت

 

 

چیرۆکی سەرەکی: دۆناڵد ترەمپ، سەرۆکی ئەمریکا خەڵاتێکی بەبڕی 50 ملیۆن دۆلار بۆ ئەو کەسانە ڕاگەیاندووە کە نیکۆلاس مادورۆی سەرۆکی فەنزوێلا دەستگیر بکەن و ڕادەستی  بکەن، ئەمەش بەهۆی ئەوەی ترەمپ دەڵێت، ئەو کەسە یەکێکە لە گەورەترین قاچاخچییەکانی ماددەی هۆشبەر لە جیهاندا و هاوکاریی باندەکان دەکات. 


ڕاگەیێنراوی فەرمی: وەزارەتی دەرەوەی ئەمریکا ڕایگەیاندووە: مادورۆی لەیاسا دەرچوو بەرپرسیار دەبێت لە تاوانە قێزەونەکانی و  دەربازی نابێت لە لێپرسینەوەی یاسایی. 

لەلایەکی دیکەوە: مارکۆ ڕۆبیۆ، وەزیری دەرەوەی ئەمریکا  ڕایگەیاند: سەرۆکی فەنزوێلا سەرۆکی باندێکی تاوانکاری و تیرۆریستیە و پێویستە ڕەوانەی دادگا بکرێت.

باکگراوند: سەرەڕای ئەو هەموو تۆمەتەی لە دوای پڕۆسەی دەنگدان لێیگرا لەسەر ئەنجامدانی ساختەکاری لە هەڵبژاردنەکان، بەڵام نیکۆلاس بۆ جاری سێیەم وەکو سەرۆکی فەنزوێلا هەڵبژێردرایەوە و تاوەکو ساڵی 2031 لەسەر کورسی دەسەڵات دەمێنێتەوە.