ئەنجوومەنی وەزیرانی ئیسرائیل پلانی نوێی لە غەززە پەسەند دەکات

پلانی نوێی ئیسرائیل بۆ کۆنتڕۆڵکردنی تەواوی غەززە بووەتە پرسی گەرم و نیگەرانی وڵاتانی بەدوای خۆیدا هێناوە، دەستەی پەخشی ئیسرائیل هەندیك وردەکاریی تایبەت بەجۆری ئۆپەراسیۆنەکە ئاشكرا کردووە.

چیڕۆکی سەرەکی: ئەمڕۆ یەکشەممە ئەنجوومەنی وەزیرانی ئیسرائیل بڕیارە پێشنیازی بنیامین نەتانیاهو، سەرۆکوەزیرانی ئیسرائیل بۆ کۆنترۆڵکردنی باکووری شاری غەززە و دابڕاندنی لە فەڵەستین و جێگیرکردنی ئیدارەیەکی بەڕێوەبردن لە لایەن ئیسرائیلەوە پەسەند بکات

 

 

-ئەم پلانە بریتی دەبێت لە جێبەجێکردنی ئۆپەراسیۆنی ڕووخاندن لە چەند ناوچەیەکی شاری غەززە، لەگەڵ گەمارۆدانی شاری غەززە و گواستنەوەی نزیکەی یەک ملیۆن کەس بۆ ناوچە نوێیەکان، لەگەڵ دامەزراندنی 12 خاڵی دابەشکردنی خۆراک، بەپێی بەیاننامەیەک لە نووسینگەی نەتانیاهۆ داوای کردووە کە دابەشکردنی یارمەتییە مرۆییەکان بەسەر هاووڵاتیانی مەدەنی فەلەستینی لە دەرەوەی ناوچە شەڕکەرەکان بێت، چاودێران ئەم پلانەیان وەک پاڵنانی خەڵکی ناوچەکە بەرەو ئاوارەکردن یان بەرەو بەشی باشووری کەرتی غەززە لێکدایەوە. 

 

زانیاریی زیاتر: جگە لەوەش پێشبینی دەکرێت هێزەکانی ئیسرائیل وردە وردە کۆنترۆڵی تەواوی کەرتی غەززە بکەن (هەرچەندە لە ئێستاوە نزیکەی 75%ی کەرتی غەززەیان کۆنترۆڵ کردووە).

 

بەتەنیشت ئەم بابەتەوە: ماڵپەڕی ئاکسیۆسی ئەمریکی لە زاری بەرپرسێکی ئیسرائیلییەوە ئاشکرای دەکات هیچ خشتەیەکی کاتی بۆ دەستپێکردنی ئۆپەراسیۆنەکە لە غەززە دانەنراوە.

 

کاریگەری و لێکەوتەکان: بەپێی نووسینگەی نەتانیاهۆ ئامانجی ئەم پلانە لە چوار خاڵە، " چەکداماڵینی حەماس، گەڕاندنەوەی هەموو زیندانییەکان - زیندوو و مردووەکان - کۆنترۆڵی تەواوی ئەمنی ئیسرائیل بەسەر غەززە و دامەزراندنی ئیدارەیەکی مەدەنیی جێگرەوەیە کە سەر بە حەماس و دەسەڵاتی فەلەستین نەبێت