نەتانیاهۆ: بەڕێوەبردنی غەززە لە لایەن ئیسرائیلەوە باشترین ڕێگەچارەیە بۆ کۆتایهێنان بە جەنگ

ئاڤا نیوز

سەرۆکوەزیرانی ئیسرائیل جێبەجێکردنی پرۆژەی بەڕێوەبردنی کەرتی غەززە لە لایەن ئیسرائیلەوە ڕادەگەیەنیت.

چیرۆکی سەرەکی: دوای ئەوەی ئەنجوومەنی وەزاریی ئاسایشی ئیسرائیل، پێشنیازی بنیامین ناتانیاهو، سەرۆکوەزیرانی ئیسرائیل بۆ کۆنترۆڵکردنی باکووری شاری غەززە و دابڕاندنی لە فەڵەستین و جێگیرکردنی ئیدارەیەکی بەڕێوەبردنی لە لایەن ئیسرائیلەوە پەسەند کرد، ئەمڕۆ پرۆژەکە لە لایەن ئەنجوومەنی وەزیرانیشەوە پەسەندکرا و بڕیاری جێبەجێکردنی بۆ دەرکرا.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل لە کۆنگرەیەکی ڕۆژنامەوانیدا ڕایگەیاند، پلانی حکومەتەکەی بۆ دەستبەسەرداگرتنی کەرتی غەززە باشترین ڕێگایە بۆ کۆتاییهێنان بە جەنگ و شکستهێنان بە حەماس، لە ئێستادا زۆرینەی خاکی غەززە لەلایەن ئیسرائیلەوە کۆنترۆڵ کراوە، سوپا پلانی هەیە ڕۆژنامەنووسە بیانییەکان بهێننە ژوورەوە بۆ نێو ناوچەی ژێر دەسەڵاتی سوپا  و بە ڕاشکاوی پرۆژەکە بۆ جیهان ڕوونبکرێتەوە.

ئەوەی پێویستە بیزانیت: هەریەک لە ڕووسیا و تورکیا و وڵاتانی عەرەبی و بەریتانیا، ئوسترالیا، نیوزلەندا، ئەڵمانیا و ئیتاڵیا و ژمارەیەک دەوڵەتی دیکە پلانەکەی ئیسرائیلیان ڕەتکردەوە و بە گەورەترین پێشێلکاری یاسای نێودەوڵەتی ناوزەندیان کرد.