لەبارەی پلانی نوێی ئیسرائیل لە غەززە ترەمپ و نەتانیاهۆ گفتوگۆ دەکەن

ئاڤا نیوز

بنیامین نەتانیاهۆ، سەرۆکوەزیرانی ئیسرائیل لە ڕێگەی پەیوەندییەکی تەلەفۆنییەوە پلانی وڵاتەکەی بۆ داگیرکردنی تەواوەتی کەرتی غەززەی لەگەڵ دۆناڵد ترەمپ، سەرۆکی ئەمریکا تاتوێی کرد.

ڕاگەیێنراوی فەرمی: نووسینگەی نەتانیاهۆ لە ڕاگەیێنراێکدا ئاماژەی بەوەکردووە، سەرۆکوەزیران ڕۆژی یەکشەممە پەیوەندییەکی تەلەفۆنی لەگەڵ ترەمپ هەبووە، لەو ماوەیەدا باسیان لە "پلانی ئیسرائیل بۆ دەستبەسەرداگرتن و کۆنترۆڵکردنی مۆڵگەکانی حەماس کە لە غەززە ماون بۆ کۆتاییهێنان بە شەڕەکە و ئازادکردنی بارمتەکان و شکستپێهێنانی بزووتنەوەکە" کردووە

زانیاریی زیاتر: لە درێژەی ڕاگەیێنراوەکە هاتووە، نەتانیاهۆ سوپاسی ترەمپی کردووە بۆ پاڵپشتییە بەردەوامەکانی بۆ ئیسرائیل لە سەرەتای شەڕی غەززەوە.

ئەمەش بزانە: ئەمە یەکەم پەیوەندی نێوان هەردوولایە لەو کاتەوەی حکومەتی ئیسرائیل پلانی داگیرکردنی تەواوی کەرتی غەززەی پەسەندکرد کە هەینی ڕابردوو لەلایەن نەتانیاهۆوە پێشکەشکرابوو .