ئەردۆغان هۆشداریی دەدات بەو کەسانەی دەیانەوێت بەربەست بۆ پڕۆسەی ئاشتیی دروست بکەن

ئاڤا نیوز

سەرۆککۆماری تورکیا لە میانەی وتارێکدا ڕایگەیاند: ڕێگە بە هیچ کەسێک نادەین بەربەست بۆ کارەکانی کۆمیسیۆنی پرۆسەی ئاشتیی دروست بکات.

وێنە گەورەکە: ڕۆژی سێشەممە 5-8-2025 یەکەم کۆبوونەوەی کۆمیسیۆنی تایبەتی پەرلەمانی تورکیا بۆ پرۆسەی ئاشتی بەڕێوەچوو، لە کۆبوونەوەکەدا ئامانجی سەرەکی کۆمیسیۆنەکە دیاریکرا کە بریتی دەبێت لە دیاریکردنی چوارچێوەیەکی یاسایی بۆ پرۆسەی ئاشتی و هەموارکردنەوەی یاساکانی تایبەت بە ڕێکخراوی پەکەکە و چارەنوسی ئەندامەکانی.

لێدوانی فەرمی: ڕەجەب تەیب ئەردۆغان، سەرۆککۆماری تورکیا دوای کۆبوونەوەی کابینەی حکومەت باسی لە گرنگی دەستپێکردنی کارەکانی کۆمیسیۆنی پرۆوسەی ئاشتی کرد و ڕایگەیاند: پەرلەمانی تورکیا سەرپەرشتی کارەکانی کۆمیسیۆنی پرۆسەی ئآشتیی گرتووەتە ئەستۆ و کۆبوونەوە و کارەکانی دەستپێکردووە، ئەم کارە گرنگترین هەنگاوی ئەم قۆناغەیە نوێنەرانی هەموو خەڵکی تورکیا پرۆسەکە بەڕێوەدەبەن.

 بە هیچ شێوەیەک ڕێگە بە دروستکردنی بەربەست بۆ کارەکانی کۆمیسیۆنەکە نادەین و هۆشداریی بەو کەس و لایەنانەش دەدەین بیانەوێت ناکۆکییە سیاسییەکان تێکەڵ بە ئەم قۆناغە گرنگە بکەن، گەر ڕێگە بە پیلانگێڕی بدەین هەموومان زەرەرمەند دەبین.