وەزیری وزەی سووریا بۆ پرسی نەوت و ئاو دێتە عێراق

ئاڤا نیوز

بڕیارە ئەمڕۆ وه‌زیری وزه‌ی سووریا سه‌ردانی عێراق  بکات، لە سەردانەکەیدا له‌گه‌ڵ به‌رپرسانی عێراق تاوتوێی هه‌ردوو دۆسیه‌ی نه‌وت و ئاو ده‌كات.

 

وێنە گەورەکە: ڕۆژی دووشەممە 11-8-2025،  یاسین شەریف حەجیمی، بەرپرسی کاروباری عێراق لە دیمەشق ڕایگەیاند، سبەی سێشەممە، محەممەد بەشیر، وەزیری وزەی سووریا لەسەر بانگهێشتی فەرمی حەیان عەبدولغەنی، وەزیری نەوتی عێراق، سەردانی بەغدا دەکات بەمەبەستی  تاوتوێکردنی پرسی نەوت و ئاو.

 

ئەوەی لەو بارەیەوە دەگوترێت: بەپێی گوتەی حەجیمی، لە سەردانەکەی وەزیری وزەی سووریا بۆ عێراق لەگەڵ بەرپرسانی ئەو وڵاتە تاوتوێی گواستنه‌وه‌ی نه‌وتی عێراق له‌ ڕێگه‌ی به‌نده‌ری بانیاسی سوورییه‌وه‌‌ بۆ ده‌ریای ناوه‌ڕاست ده‌كه‌ن.

 

ئەوەی پێشبینی دەکرێت: بڕیارە محه‌ممه‌د به‌شیر له‌گه‌ڵ عه‌ون دیاب، وه‌زیری سه‌رچاوه‌ ئاوییه‌كانی عێراق كۆببێتەوە و پلان و لێكتێگه‌یشتنێك تاوتوێ بكه‌ن سه‌باره‌ت به‌ كه‌می ئاو و دابه‌زینی ئاستی ئاوی به‌ردراوه‌ له‌ ڕووباری فورات له‌ 500 مه‌تر دووجا له‌ هه‌ر چركه‌یه‌كدا بۆ 300 مه‌تر دووجا.