کۆمیسیۆن وادەی پێشکەشکردنی لیستی ناوی بەربژێرانی درێژ کردەوە

ئاڤا نیوز

 

ئەمڕۆ كۆتا وادەی تۆماركردنی ناوی بەربژێر بوو بۆ هەڵبژاردنی پەرلەمانی هەرێمی كوردستان، بەڵام وادەکەی بۆ کۆتایی ئەم مانگە درێژکرایەوە. 

 

لێدوانی فه‌رمی: جومانە غەلاى، گوتەبێژى کۆمیسیۆنى باڵاى سەربەخۆى هەڵبژاردنەکانى عێراق بە ئاڤا نیوزی ڕاگەیاند: "وادەی پێشکەشکردنی لیستی ناوی بەربژێران بۆ 31-03-2024 درێژکرایەوە". 

 

لەلایەکی دیکەوە: ئه‌مه‌ له‌كاتێكدایه‌ پێشتر به‌رپرسانی كۆمیسیۆن ڕایانگه‌یاندبوو، واده‌ی وه‌رگرتنی ناوی بەربژێرەکان درێژ ناكه‌نه‌وه‌.

 

زانیاریی زیاتر: تاوەکو ئێستا چوار حیزب و دوو هاوپەیمانی له‌ هه‌ر چوار بازنه‌کەی هه‌رێمی كوردستان، لیستی ناوی بەربژێرەکانیان بۆ کۆمیسیۆن ناردووە، هاوكات 46 بەربژێری سەربەخۆ ناویان پێشكەش بە كۆمسیۆن كردووە؛ لە هەولێر 12 بەربژێر و لە سلێمانی و هه‌ڵه‌بجه‌ 21 بەربژێر و لە دهۆكیش 12 بەربژێر خۆیان تۆمار كردووە. 

 

گۆشەیەکی دیکەی دیمەنەکە: ئامادەکارییەکانی کۆمیسیۆن بۆ هەڵبژاردن لەکاتێکدایە، پارتی دیموکراتی کوردستان کە لە خولی پێشوو 45 کورسی هەبوو، ناڕەزایی لە شێوازی هەڵبژاردن هەیە.