ئەمڕۆ کۆبوونەوەی لووتکەی ترەمپ و پووتین بەڕێوە دەچێت

ئاڤا نیوز

ئەمڕۆ هەینی، 15-8-2025، کۆبوونەوەی لووتکەی نێوان ئەمریکا و ڕووسیا بەڕێوە دەچێت.

وێنە گەورەکە: دۆناڵد ترەمپ و ڤلادیمیر پووتین لە شاری ئانکۆرەیج لە ئالاسکا کۆدەبنەوە و بابەتی سەرەکیی کۆبوونەوەکە کۆتاییهێنانە بە شەڕی ئۆکراینا.

زانیاریی بەدەستهاتوو: کۆبوونەوەکە کاتژمێر 11ـی سەرلەبەریانی بە کاتی ئالاسکا (10ـی شەو بە کاتی هەولێر) بەڕێوە دەچێت.

ئەمەش بزانە: چاوەڕێ دەکرێت لەم کۆبوونەوەیەدا پێشنیازی پێدانی خاک لە بەرامبەر وەستانی شەڕ بخرێتە بەردەم پووتین.

باکگراوند: لە شوباتی 2022ـەوە شەڕی نێوان ڕووسیا و ئۆکراینا دەستیپێکردووە. ڕووسیا بەشێکی بەرچاو لە خاکی ئۆکراینای داگیرکردووە. تاوەکو ئێستا شەڕەکە بەردەوامە.