سەبارەت بە زێلینسکی، سەرۆکوەزیرانی بەریتانیا داوایەک لە ترەمپ دەکات

ئاڤا نیوز

کۆبوونەوەی لووتکەی نێوان دۆناڵد ترەمپ، سەرۆکی ئەمریکا و ڤلادێمێر پووتین، سەرۆکی ڕووسیا بەبێ گەیشتن بە ئاگربەست کۆتاییهات، سەرۆکوەزیرانی بەریتانیا هەوڵەکانی ترەمپ بەرز دەنرخێنێت و داوا دەکات کۆبوونەوەی داهاتوو بە بەشداری زێلینسکی ئەنجام بدرێت.

چیرۆکی سەرەکی: ڕۆژی هەینی لە ویلایەتی ئالاسکای ئەمریکا، هەریەکە لە دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا لەسەر کۆتاییهێنان بە شەری سێ ساڵەی نێوان ڕووسیا و ئۆکراینا کۆبوونەوە.

لێدوانی فەرمی: کەیر ستارمەر، سەرۆکوەزیرانی بەریتانیا ستایشی هەوڵەکانی دۆناڵد ترەمپی کرد و وتی "لە هەموو کاتێک زیاتر نزیکمان دەکاتەوە لە کۆتاییهێنان بە شەڕی نایاسایی ڕووسیا لە ئۆکراینا"، پێشکەوتن بەدەستهاتووە، هەنگاوی داهاتوو دەبێت گفتوگۆی زیاتر بێت کە ڤۆلۆدیمیر زێلینسکی، سەرۆکی ئۆکرایناش بەشدار بێت.

زانیاریی زیاتر: دوای بەڕێوەچوونی کۆبوونەوەی لووتکە، ترەمپ بۆ ماوەی زیاتر لە کاتژمێرێک لەگەڵ ڤۆلۆدێمیر زێلینسکی، سەرۆکی ئۆکراینا، کەیر ستارمەر، سەرۆکوەزیرانی بەریتانیا، ئیمانوێل ماکرۆن، سەرۆکی فەرەنسا، فریدریش مێرز، ڕاوێژکاری ئەڵمانیا، مارک ڕوتە، سکرتێری گشتیی ناتۆ و ئۆرسولا ڤۆن دێر لاین، سەرۆکی کۆمیسیۆنی ئەوروپا قسەی کردووە.