کۆبوونەوەی سێ قۆڵی ترەمپ و پووتین و زێلێنسکی ئەنجام دەدرێت؟

ئاڤا نیوز

دۆناڵد ترەمپ، سەرۆکی ئەمریکا  پێشنیازی کۆبوونەوەی سێ قۆڵی لەگەڵ  هەر یەکە لە ڤلادێمیر پووتین، سەرۆکی ڕووسیا و ڤۆلۆدیمیر زێلێنسکی، سەرۆکی ئۆکراینا دەکات 22ـی ئاب وەک وادەی دیدارەکە دەستنیشان دەکات. 

چیڕۆکی سەرەکی:  ڕۆژی هەینی 15ـی ئاب کۆوبوونەوەی لووتکەی نێوان سەرۆکی ئەمریکا و سەرۆکی ڕووسیا بەڕێوەچوو، ترەمپ لەگەڵ مارکۆ ڕوبیۆ، وەزیری دەرەوە و ستیڤ وتیکۆف، نێردەی تایبەتی خۆی بەشداری کۆبوونەوەکەی کرد و لایەنی ڕووسیش هەر یەکە لە، سێرگی لاڤرۆڤ، وەزیری دەرەوە و یوری ئۆشانکۆڤ، یاریدەدەری پووتین بەشدارییان کرد.

زانیاریی بەدەستهاتوو: ماڵپەڕی ئەکسیۆس ئاشکرای دەکات،'' دۆناڵد ترەمپ، سەرۆکی ئەمریکا لە میانی پەیوەندییە تەلەفۆنییەکەی لەگەڵ ڤۆلۆدێمیر زێلێنسکی و سەرکردەکانی ئەورووپا دوای کۆبوونەوەی لووتکەی لەگەڵ ڤلادیمێر پووتین سەرۆکی ڕووسیا ترەمپ ڕایگەیاندووە، "دەیەوێت هەر لە هەینی داهاتووەوە لووتکەی سێ قۆڵی لەگەڵ پووتین و زێلێنسکی ڕێکبخات''.

بەتەنیشت ئەم بابەتەوە: بڕیارە سبەی دووشەممە ترەمپ و زێلێنسکی کۆببنەوە، ئەگەر گفتوگۆکان لەگەڵ زێلێنسکی سەرکەوتووبن، بڕیارە کۆبوونەوەیەکی دیکە لەگەڵ پووتین ئەنجام بدرێت.