ڕووسيا و ئۆكراینا لە هێرشكردنە سەر یەكتری بەردەوامن

ئاڤا نیوز

سەرەڕای چەندین پێشکەوتنی دیپلۆماسی بۆ کۆتاییهێنان بەشەڕی ڕووسیا و ئۆکراینا بەڵام هێرشەکانی هەردوولا بۆ سەر پێگەی یەکتری بەردەوامن.

زانیاریی بەدەستهاتوو: هەر یەکە لە ڕووسیا و ئۆکراینا ئەمڕۆ یەکشەممە فڕۆکەی بێفڕۆکەوانی هێرشبەریان ئاراستەی یەکتر کرد،لایەنی ڕووسی ئاشکرای دەکات، کیێڤ 46 فڕۆکەی بێفڕۆکەوانی ئاراستەی ئەو وڵاتە کردووە، لایەنی ئۆکراینیش ئاشکرای دەکات،  ڕووسیا بە 60 فڕۆکەی بێفڕۆکەوانی ئاراستەی کێیڤ کردووە.

کاریگەری و لێکەوتەکان: ئەم هێرشانە لە کاتێکدان ، لووتکەی نێوان دۆناڵد ترەمپ سەرۆکی ئەمریکا و ڤلادێمیر پووتین، سەرۆکی ڕووسیا لە ئەلاسکا بەڕێوەچوو، هەردوولا گفتوگۆکانیان بە ئەرێنی وەسف کرد، لە هەمان چوارچێوەیەدا بڕیارە سبەی ڤۆلۆدێمیر زێلێنسکی سەرۆکی ئۆکراینا بەرەو واشنتن بەڕێبکەوێت و لەگەڵ دۆناڵد ترەمپ سەرۆکی ئەمریکا کۆببێتەوە