زێلێنسکی بەتەنیا ناچێت بۆ واشنتن

ئاڤا نیوز

بڕیار وایە سبەی دووشەممە ڤۆلۆدێمیر زێلێنسکی، سەرۆکی ئۆکراینا بەرەو واشنتن بچێت و لەگەڵ دۆناڵد ترەمپ، سەرۆکی ئەمریکا کۆببێتەوە، بەڵام سەرکردەکانی ئەورووپا لەگەڵ زێلێنسکی دەچن و لەگەڵ ترەمپ کۆدەبنەوە.

 

چیرۆکی سەرەکی: دوای کۆبوونەوەی دۆناڵد ترەمپ سەرۆکی ئەمریکا و ڤلادێمیر پووتین، سەرۆکی ڕووسیا لە ئەلاسکا بۆ پرسی جەنگی ڕووسیا و ئۆکراینا، تیادا گفتۆگۆی ئەرێنی و بەرهەمدار ئەنجام دران، دوای کۆتاییهاتنی کۆبوونەوەکە  ترەمپ لە پەیوەندییەکی تەلەفۆنیدا لەگەڵ زێلێنسکی و سەرکردەکانی ئەورووپا قسەی کردووە.

لێدوانی فەرمی: ئۆرسۆلا ڤۆن دێرلاین، سەرۆکی کۆمیسیۆنی ئەوروپا ڕایگەیاند "لەسەر داوای زێلێنسکی سەرکردەکانی ئەورووپا هاوشانی ئەو سبەی دووشەممە، گەشتی واشنتن دەکەن و لەگەڵ دۆناڵد ترەمپ، سەرۆکی ئەمریکا کۆدەبنەوە.

زانیاریی زیاتر: هەر یەکە لە سەرۆکی کۆمیسیۆنی ئەوروپا، سەرۆکی فەرەنسا ، سکرتێری گشتیی ناتۆ و ڕاوێژکاری ئەڵمانیا بڕیارە لەگەڵ زێلێنسکی بۆ واشنتن بچن