ترەمپ: شەڕی ئۆکراینا شەڕی من نییە

 

 

دۆناڵد ترەمپ، سەرۆکی ئەمریکا دووپاتی دەکاتەوە، لەکاتی دەستپێکردنی شەڕی ڕووسیا و ئۆکراینا ئەو سەرۆک بووایە ئەم جەنگە ڕووی نەدەدا و هۆکاری شەڕەکەش بۆ جۆبایدن سەرۆکی پێشووی ئەمریکا دەگەڕێنێتەوە.

 

چیڕۆکی سەرەکی: دوای لووتکەکەی هەفتەی رابردووی نێوان ترەمپ و پووتین لە ئەلاسکا کە هیچ ڕێککەوتنێکی ئاگربەستی لێنەکەوتەوە، دوێنی ترەمپ لە کۆشكی سپی پێشوازی لە ڤۆلۆڤدێمیر زێلێنسکی، سەرۆکی ئۆکراینا ژمارەیەک سەرکردەی ئەوروپا کرد.

 

بڵاوکراوەی فەرمی: دۆناڵد ترەمپ، سەرۆکی ئەمریکا لە ترووس سۆشیاڵی تایبەتی خۆی ڕایگەیاند،'' ئەگەر من سەرۆک بوومایە ئەم شەڕە ڕووینەدەدا، من لە ماوەی 6 مانگدا 6 شەڕم چارەسەر کردووە، دەکرا یەکێکیان کارەساتێکی ئەتۆمی بێت، جەنگی ڕووسیا وئۆکراینا جەنگی جۆ بایدنی خەواڵووە، نەوەک جەنگی من، من تەنیا لێرەم بۆ ئەوەی ڕایبگرم، نەوەک بۆ ئەوەی زیاتر بەردەوامی پێبدەم.''

 

زانیاریی زیاتر: لە کۆبوونەوەی لووتکەی ئەلاسکا کە تیایدا هەر یەکە لە ترەمپ و پووتین وتاری خۆیان پێشکەش کرد، پووتین ئاماژەی بەوەکرد، ئەگەر ترەمپ ئەگەر ئەو کات سەرۆک بووایە ئەم جەنگە ڕووینەدەدا