بۆ ڕێگری لە کۆچبەران ترەمپ فەرمانی داوە دیواری سنووری وڵاتەکەی ڕەش بکرێت

ئاڤا نیوز

بە فەرمانی ترەمپ تەواوی دیواری سەر سنووری باشووری ئەمریکا لەگەڵ مەکسیک بە ڕەنگی ڕەش بۆیە دەکرێت بۆ ئەوەی گەرمتر بێت و ببێتە ڕێگر لەبەردەم کۆچی نایاسایی.

وێنە گەورەکە: ئیدارەی ترەمپ هەوڵەکانی بۆ ڕێگریکردن لە کۆچی نایاسایی لە وڵاتانی ئەمریکای لاتین بۆ ئەمریکا چڕکردووەتەوە.

لێدوانی فەرمی: کریستی نۆئێم، وەزیری ئاسایشی ناوخۆی ئەمریکا ڕایگەیاند، لەسەر داوای سەرۆک ترەمپ، کە دەزانێت سنووری باشوور کەشوهەوایەکی گەرمی هەیە کاتێک دیوارەکە ڕەنگی ڕەش دەکرێت گەرمتر دەبێت و سەرکەوتن بەسەریدا قورستر دەبێت، بۆیە ئێمە تەواوی دیواری سنووری باشوور ڕەش دەکەین بۆ ئەوەی دڵنیابین لەوەی هانی کۆچبەران بدەین بە نایاسایی نەیەنە ناو وڵاتەکەمانەوە.

ئەوەی پێویستە بیزانیت: دروستکردنی دیوار ئاسنین لە سنووری باشووری ئەمریکا لە خولی یەکەمی سەرۆکایەتی ترەمپدا خاڵێکی سەرەکی سیاسەتە تووندەکەی بوو لە بەرامبەر کۆچدا. لە خولی دووەمیشیدا، جەختکردنەوە لەسەر دەرکردنی بەکۆمەڵی کۆچبەران و دەستگیرکردنیان لە ناوخۆی ئەمریکادا بووە.