تێچووی هەر دانیشتنێکی پەرلەمانی عێراق زیاتر لە 14 ملیار دینار بووە

ئاڤا نیوز

لەگەڵ نزیکبوونەوەی کۆتایی خولی پێنجەمی ئەنجوومەنی نوێنەرانی عێراق، ئامارەکان تێچوویەکی خەیاڵی ئاشکرا دەکەن کە لەسەر بودجەی گشتیی وڵات کەوتووە. بەپێی بەدواداچوونێک، کۆی خەرجییەکانی ئەم خولەی پەرلەمان لە ماوەی سێ ساڵ و نیودا گەیشتووەتە زیاتر لە ترلیۆنێک و 910 ملیار دینار.

زانیاریی بەدەستهاتوو: بەپێی بەدواداچوون و خەملاندنی تۆڕێکی میدیایی عێراقی، تێچووی دارایی خولی پێنجەمی ئەنجوومەنی نوێنەرانی عێراق، کە لە کانوونی دووەمی 2022ـەوە دەستی پێکردووە تا ناوەڕاستی ساڵی 2025، گەیشتووەتە زیاتر لە ترلیۆنێک و 910 ملیار دیناری عێراقی.

زانیاریی زیاتر: لەو ماوەیەدا، پەرلەمان 134 دانیشتنی کردووە. بە دابەشکردنی کۆی خەرجییەکان بەسەر ژمارەی دانیشتنەکاندا، دەردەکەوێت کە تێچووی هەر دانیشتنێکی پەرلەمان زیاتر لە 14 ملیار دینار لەسەر خەلکی عێراق بەکوردستانیشەوە کەوتووە

تێچووی هەر پەرلەمانتارێک لە ماوەی سێ ساڵی ڕابردووی ئەم خولەدا گەیشتووەتە 5 ملیار و 100 ملیۆن دینار.

ئەوەی پێویستە بیزانیت: هەموو ئەم بڕە پارانە خەرجییەکانی نیوەی دووەمی ساڵی 2025 ناگرێتەوە، چونکە خولی پێنجەمی پەرلەمان هێشتا بەردەوامە و لە 15ـی مانگی 10ـی ئەمساڵ کۆتایی دێت