مێژووی بەردە ڕەشەکەی بەرزنجە دەگەڕێتەوە بۆ 700 ساڵ لەمەوبەر

ئاڤا نیوز

به‌رده‌ ڕه‌شه‌كه‌ی به‌رزنجه‌ له‌گه‌ڵ بوونیادنانی مزگه‌وته‌كه‌ له‌ سه‌ده‌ی حه‌وتی كۆچی له‌ دیواری مزگه‌وته‌كه‌ دانراوه‌ و شوێنه‌وارێكی ئایینی به‌رزنجه‌کانە، هاوشێوه‌ی به‌رده‌ ڕه‌شه‌كه‌ی کەعبە سەیر دەکرێت. 

 

لێدوانی فەرمی: پرۆفیسۆر د. سه‌باح به‌رزنجی سەبارەت بە مێژووی بەردە ڕەشەکە دەڵێت: ئه‌م به‌رده‌ ڕه‌شه‌ی كه‌ ئێستا له‌دیواره‌كه‌ی مزگه‌وتی به‌رزنجه‌ ماوه‌ته‌وه‌ به‌پێی گێڕانه‌وه‌ی باووباپیران و ساداتی به‌رزنجه‌ گوایە وه‌ک ڕێزلێنانێک له‌و مزگه‌وته‌ شێخ موسا و شێخ عیسا له‌ مه‌كکه‌وه‌ له‌گه‌ڵ خۆیانا هێنابێتیان، به‌ڵام من له‌ هیچ سه‌رچاوه‌یه‌كی مێژوییدا ئه‌وه‌م نه‌دیوه‌.

 

ئەوەی لەبارەیەوە دەگوترێت: سەبارەت بەم بەردە ڕەشە چیرۆک و قسە و باسی زۆر دەکرێت، بەشێکی خەڵک پێیانوایە بەردەکە لە غەیبەوە هاتبێت و بە بەردێکی پیرۆزی دەزانن و هاوشێوەی کەعبە سەیر دەکرێت.