دەزگای خێرخوازیی بارزانی هاوکارییەکانی گەیاندە 18 هەزار خێزان لە ڕۆژئاوای کوردستان

ئاڤا نیوز

دەزگای خێرخوازیی بارزانی لە ڕێگەی 12 تیمی مەیدانییەوە، هاوکاریی جۆراوجۆری گەیاندە زیاتر لە 18,000 خێزانی ئاوارە لە شار و شارۆچکە جیاوازەکانی ڕۆژئاوای کوردستان.

چیرۆکی سەرەکی: تیمەکانی دەزگای خێرخوازی بارزانی لە قامیشلۆ، دێرک، عاموودا، گرکێلەگێ، حەسەکە، تربەسپی و دێربێسیێ سەرقاڵی دابەشکردنی کۆمەکن؛ ئەو بۆکسانەی پێشکەشی ئاوارەکان دەکرێن، هەموو جۆرە خۆراکێکیان تێدایە و بۆ ماوەی دوو هەفتە بەشی پێداویستیی هەر خێزانێک دەکات.

ڕاگەیێنراوی فەرمی: بەگوێرەی دوایین داتاکان، دەزگای خێرخوازیی بارزانی تاوەکو ئێستا 321 بارهەڵگری هاوکاریی گەیاندووەتە شارەکانی ڕۆژئاوای کوردستان. جگە لەوەی 655 کەسی ناوخۆیی لە ڕۆژئاوای کوردستان هەلی کارییان بۆ ڕەخساوە و شانبەشانی تیمەکانی دەزگاکە هاوکارییەکان دابەش دەکەن.

زانیاریی زیاتر: دەزگای خێرخوازیی بارزانی لەرێگەی 12 تیمی مەیدانییەوە، هاوکاریی گەیاندە زیاتر لە 18,000 خێزانی ئاوارە لە شار و شارۆچکە جیاوازەکانی ڕۆژئاوای کوردستان. بەگوێرەی دوایین داتا، دەزگای خێرخوازیی بارزانی، تاوەکو ئێستا 321 بارهەڵگری هاوکاری گەیێنراوەتە شارەکانی ڕۆژئاوای کوردستان، 9,664 خێزان لە هاوکارییە جۆراوجۆرەکان سوودمەند بوون.

ژمارەکان وادەڵێن: هەروەها 325,582 لیتر سووتەمەنی لە 178 قوتابخانە و 12 مزگەوت بەسەر 8,908 خێزان دابەشکراوە. تیمە تەندروستییەکانیش لە 73 قوتابخانە، چارەسەری تەندروستییان بۆ 5,582 کەس کردووە. هاوکات 59,375 ژەم خواردنی گەرم لە 296 قوتابخانە و 17 مزگەوت دابەشکراون. جگە لەوەی 655 کەسی ڕۆژئاوای کوردستان هەلی کارییان بۆ ڕەخساوە و شانبەشانی تیمەکانی دەزگای خێرخوازیی بارزانی هاوکارییەکان دابەش دەکەن.

باکگراوند: دەزگای خێرخوازیی بارزانی (BCF) ڕێکخراوێکی ناحکومیی قازانج نەویستە و لە ساڵی 2005 دامەزراوە؛ دەزگاکە لە ساڵی 2013ـەوە و بەتایبەت لە کاتی سەرهەڵدانی شەڕی ناوخۆی سووریا و ئاوارەبوونی خەڵکی ڕۆژئاوای کوردستان، ڕۆڵێکی کارای هەبووە لە گەیاندنی هاوکارییە مرۆییەکان.